«Մարդիկ ուզում են վաղն ավելի լավ ապրել․ չի լինելու դա»․ ՀՀԿ խմբակցության պատգամավոր. ՏԵՍԱՆՅՈՒԹ

Լուրեր

26.05.2018 | 09:55
Տավուշի մարզպետը հեռանալուց առաջ հեքիաթային ծախս է արել «Հեքիաթին հյուր»-ի համար. «Ժողովուրդ»
26.05.2018 | 09:43
Հակոբ Հակոբյանը՝ Ճոյտը, իրեն պատկերացնում է միայն պատգամավորի կարգավիճակով. «Ժամանակ»
26.05.2018 | 09:31
Սամվել Ալեքսանյանը փուռն է գնում, ամենաշատ կալանավորվածները նրա ընկերություններից են. «Ժամանակ»
26.05.2018 | 09:17
Մարզպետները ոտ ու ձեռ ընկած Փաշինյանի հետ կոնտակտ են փնտրում. «Հրապարակ»
26.05.2018 | 09:05
Ավելի քան 145 դպրոց այս տարի շրջանավարտ չի ունեցել. «Փաստ»
26.05.2018 | 09:02
ՀՀԿ-ն` որպես միասնական կառույց, գոյություն չունի, մնացել են իրականությունից կտրված մի խումբ մարդիկ. «Ժամանակ»
25.05.2018 | 22:47
Կառավարական առանձնատանը հյուրընկալել ենք Տավուշի, Գեղարքունիքի, Վայոց ձորի սահմանապահ գյուղերի շրջանավարտներին. ՆԻկոլ Փաշինյան
25.05.2018 | 20:50
Ապրիլ-մայիս ամիսներին տեղի ունեցած իրադարձություններից հետո Հայաստանը դարձել է օրինակելի պետություն. Ֆրանկոֆոնիայի ԳՔ գրասենյակի տնօրեն
25.05.2018 | 20:39
ԱԱԾ-ն հանցավոր սխեմա է բացահայտել.կան ձերբակալվածներ, հարցաքննվում են ՀՀ ՊԵԿ նախկին փոխնախագահներ
25.05.2018 | 20:27
Դուք կարող եք ակնկալել Միացյալ Թագավորության գործնական աջակցությունը. Թերեզա Մեյը՝ Նիկոլ Փաշինյանին
25.05.2018 | 20:16
Հայաստան կայցելի Ֆրանսիայի` Եվրոպայի և արտաքին գործերի նախարար Ժան-Իվ Լը Դրիանը
25.05.2018 | 20:04
Տարածքային կառավարումը իրավական ճգնաժամի մեջ է
25.05.2018 | 19:49
Գողացված բանկային քարտով գումար են կանխիկացրել
25.05.2018 | 19:38
Այն ինչ տեղի է ունեցել՝ մշակութային հեղափոխություն է. Փաշինյանը հանդիպել է մշակույթի գործիչների հետ
25.05.2018 | 19:33
ԵԽԽՎ համազեկուցողները դատախազությունից հետաքրքրվել են քրեական վարույթներով իրականացվող քննության ընթացքի հասարակական շրջանակներից ստացած ազդակներից
Բոլորը

«Հանրապետականը պատրաստ է աշխատել Նիկոլ Փաշինյանի հետ»,- իր անունից ասում է պատգամավոր Խոսրով Հարությունյանը։ Նա հակադարձում է առաջին նախագահ Լևոն Տեր-Պետրոսյանին, ըստ որի՝ ճգնաժամային է այն վիճակը, որ խորհրդարանական մեծամասնությունն ընդդիմադիր է փոքրամասնության կառավարությանը։ Հանրապետականը, ըստ նրա, չի ուզում լինել անպատասխանատու ընդդիմադիր ուժ, ինչպիսին էր ընդդիմությունը ժամանակին։

«Նույն Նիկոլ Փաշինյանը՝ սրանից երեք ամիս առաջ գնաճի հունվարյան լսումներում պարզապես հայտարարում էր, որ ԵՏՄ անդամակցությունն ուղղակիորեն հանգեցրել է գների սարսափելի աճին։ Այսինքն՝ ամեն ինչ կապում էին ԵՏՄ-ի հետ, էլ չեմ ասում, որ ժամանակին ընդհանրապես դեմ էին դրան։ Թե՛ դրան, թե՛ ՀԱՊԿ-ին։ Հիմա ասում են՝ գիտե՞ք ինչ կա, իրողությունները փոխվել են»,- ասում է ՀՀԿ խմբակցության անդամը։

Պարոն Հարությունյանը հասկանում է, որ իսկապես անհեթեթ է, երբ կառավարությունը խորհրդարանում ունի փոքրաթիվ քաղաքական հենարան։ Նա, սակայն, ակնարկում է, որ արտահերթ ընտրությունների գնալը երաշխիք չէ, որ Փաշինյանն անպայման կվերցնի քաղաքական մեծամասնությունը։

«Համաձայնեք, որ մենք ունեցել ենք դեպքեր, երբ հաշված ամիսների ընթացքում այդ վարկանիշն էական տատանումներ է ապրել»,- նշում է պատգամավորը։

Բացի դրանից, ի՞նչ կարիք կա արտահերթ ընտրությունների, եթե Փաշինյանի մայիսի 8-ի ելույթում հնչած ծրագրային դրույթները նաև Հանրապետականի ծրագրերում կան, մի մասը նույնիսկ արդեն իրագործման մեջ էին։

«Նիկոլ Փաշինյանը որպես վարչապետ, որևէ նոր բան, թե՛ արտաքին քաղաքականության մեջ, թե՛ տնտեսության, թե՛ գործիքակազմով չի ասել»,- ասում է Խոսրով Հարությունյանը։

«Ոչ ոք պատրաստ չէ արտահերթ ընտրությունների,- չի թաքցնում Հայաստանի նախկին վարչապետը։ Նա Նիկոլ Փաշինյանին խորհուրդ է տալիս չշտապել․- Նույն «Ելք» խմբակցությունն էլ պատրաստ չէ ընտրությունների»։

Քաղաքական գործիչը հստակ հասկացնում է, որ Հանրապետականը մտադիր է կողմ քվեարկել Փաշինյանի կառավարության ծրագրին, թեպետ Խոսրով Հարությունյանին հայտնի է, թե ինչքան դժվար է լինելու փողոց դուրս եկած մարդկանց սպասելիքներն արդարացնել։

«Ճնշող մեծամասնությունն ասում ա աշխատավարձերի բարձրացում, կենսաթոշակների բարձրացում։ Մարդիկ ուզում են վաղն ավելի լավ ապրել։ Չի լինելու դա։ Ոչ թե ես չեմ ցանկանում»,- զգուշացնում է Խոսրով Հարությունյանը։

«Ծառուկյան» խմբակցության պատգամավոր Նաիրա Զոհրաբյանը համաձայն է Լևոն Տեր-Պետրոսյանի հետ՝ արտահերթ խորհրդարանական ընտրություններ պետք է լինեն, գործող խորհրդարանն այլևս ոչ մի կապ չունի փողոցի հետ։ Սակայն տիկին Զոհրաբյանի կարծիքով հեշտ չի լինելու լուծարել այս խորհրդարանը։

«Ես հասկանում եմ, որ խորհրդարանը լուծարելու էնպիսի բարդ, խճճված մեխանիզմներ են ամրագրել Սահմանադրության երկու հայրերը՝ հարմարեցնելով Հանրապետական կուսակցության լիդերի ճաշակին։ Տարբերակը մեկն է՝ կամ խորհրդարանը չի հաստատում կառավարության ծրագիրը, որը քիչ հավանական եմ համարում, մյուս տարբերակը՝ այլևս մեկ տարվա ընթացքում, եթե ծրագիրը հաստատվում է, անվստահություն հայտնելու մեխանիզմ չկա, բացառությամբ այն դեպքի, եթե վարչապետն ինքը ներկայացնի հրաժարական, որը ևս բավականին ռիսկային պրոցես է, որ հրաժարականից հետո երկու անգամ եթե չի ընտրվում նոր վարչապետ, այդ դեպքում խորհրդարանը լուծարվում է։ Սա ևս ռիսկային է, որովհետև հրաժարական ներկայացնող վարչապետը մտավախություն ունի, որ մեծամասնությունը կարող է առաջադրել իր թեկնածուին»,- ասում է ծառուկյանական պատգամավորը։

Նաիրա Զոհրաբյանը չի բացառում, որ ինչ-որ պահից ստեղծվի սահմանադրական ճգնաժամ։ Ըստ նրա, քաղաքական ուժերը պետք է հասկանան, որ ժամանակ ձգելը որևէ մեկի շահերից չի բխում։ Պատգամավորն, իհարկե, չի բացառում, որ իրավիճակը հանգուցալուծվի ՀՀԿ խմբակցության պառակտումով։

«Չեմ բացառում նաև, որ մենք առաջիկայում կտեսնենք, թե ինչպես Հանրապետական կերակրատաշտին հնարավորինս մոտ տարբերակ ընտրած քաղաքական դեմքեր կհայտնվեն բացարձակապես այլ ճամբարում»,-կանխատեսում է տիկին Զոհրաբյանը։

 

Մհեր Արշակյան