09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանը չի կարող և չպետք է հաղթի. Մակրոնը խոսել է պատերազմի ավարտի ժամկետների մասին
Քաղաքականություն
28.06.2022 | 20:31
Ֆրանսիայի նախագահ Էմանուել Մակրոնը հույս ունի, որ Ուկրաինայում պատերազմը կավարտվի մինչև տարեվերջ։ Նրա խոսքով՝ Ռուսաստանը չի կարող և չպետք է հաղթի։ Unian-ի հաղորդմամբ՝ այս մասին Մակրոնը հայտարարել է G7-ի գագաթնաժողովի շրջանակում։
«Մեր աջակցությունն Ուկրաինային ու մեր պատժամիջոցները ՌԴ-ի դեմ կտևեն այնքան, որքան անհրաժեշտ է։ Ես կարծում եմ, որ կարելի է ողջունել Ուկրաինայի նախագահի, ուկրաինացիների և նրանց բանակի խիզախությունը։ Ինչ վերաբերում է տարեվերջյան նպատակին՝ պատերազմի 4 ամիսն է անցել, տարեվերջին դեռ շատ հեռու է։ Սակայն ոչ ոք չի կարող ասել, որ պատերազմը կավարտվի առաջիկա շաբաթներին կամ ամիսներին։ Ես հուսով եմ, որ դա տեղի կունենա մինչև տարեվերջ։ Վստահ եմ, Ռուսաստանը չի կարող և չպետք է հաղթի»,- ասել է Մակրոնը։
Նա նաև նշել է, որ Ռուսաստանի միակ նպատակն Ուկրաինայի տարածքի կրճատումն է, և հավելել, որ պատժամիջոցներն էլ շարունակվելու են։
«Մենք շարունակելու ենք պատժամիջոցները, կշարունակենք աջակցել Ուկրաինային ու նրա ժողովրդին՝ լիակատար հաղթանակ տանելու համար ու բանակցելու այն պայմաններում, որոնք կընտրեն հենց ուկրաինացիները»,- հավելել է Էմանուել Մակրոնը։
Էմմա Չոբանյան
