09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Բաքուն որևէ կերպ չի արձագանքել Կիևում Ադրբեջանի դեսպանատան հրթիռակոծություններին
Քաղաքականություն
28.06.2022 | 20:59
Պաշտոնական Բաքուն որևէ կերպ չի արձագանքել Կիևում Ադրբեջանի դեսպանատան հրթիռակոծություններին։ Ադրբեջանական Թուրան գործակալությունը հայտնում է, որ անցած կիրակի Կիևի հրթիռակոծություններից մեկի հետևանքով լուրջ վնաս է հասցվել Ուկրաինայում Ադրբեջանի դեսպանատան շենքին։
Հրթիռը խոցել է մոտակայքում գտնվող բնակելի շենքը, հարվածի ալիքը վնասել է շենքի պատերն ու պատուհանները։ Նշվում է, որ սա արդեն երկրորդ նման դեպքն է։ Երկու ամիս առաջ էլ հրթիռային հարվածը վնաս էր հասցրել Ուկրաինայի մայրաքաղաքի Գլիբոչիցկայա փողոցում գտնվող ադրբեջանական դեսպանատան շենքին։
«Չնայած Ադրբեջանի քաղաքացիների, դիվանագետների կյանքին սպառնացող իրական սպառնալիքին՝ պաշտոնական Բաքուն որևէ վերաբերմունք չի արտահայտել կատարվածի հետ կապված»,- գրում է տեղական լրատվամիջոցը։
Էմմա Չոբանյան
