09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էկոնոմիկայի և ֆինանսների նախարարները հանդիպել են մի խումբ գործարարների հետ
Տնտեսություն
28.06.2022 | 18:00
Հունիսի 27-ին Ֆինանսների նախարար Տիգրան Խաչատրյանի հետ հանդիպում ունեցանք գործարարների խմբի հետ, ովքեր բաց նամակով դիմել էին մեր նախարարություններին և Կենտրոնական բանկին՝ մտահոգություն հայտնելով իրենց բիզնեսի վրա դրամի անկանխատեսելի արժևորման բացասական ազդեցության կապակցությամբ․ ֆեյսբուքի իր էջում գրել է ՀՀ էկոնոմիկայի նախարար Վահան Քերոբյանը։
«Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել և ակնկալում են պետության աջակցությունը։
Լսեցինք բոլորի փաստարկները, քննարկեցինք իրավիճակը և պայմանավորվեցինք առաջիկայում ևս մեկ անգամ հանդիպել՝ ամփոփելու խնդիրները և ձևակերպելու անելիքը»,- գրել է նախարարը։
Հիշեցնենք, որ մի շարք տնտեսվարողներ բաց նամակով դիմել էին ՀՀ Կենտրոնական բանկին, Էկոնոմիկայի նախարարությանն ու Ֆինանսների նախարարությանը՝ խնդրելով շտապ քայլեր ձեռնարկել դրամի հետագա արժևորումը դադարեցնելու համար։
