09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վրաստանը 1 տարով կարգելի ցորենի և գարու արտահանումը
Քաղաքականություն
28.06.2022 | 17:41
Վրաստանի շրջակա միջավայրի պահպանության և գյուղատնտեսության նախարար Օթար Շամուգիան հայտնել է, որ Վրաստանի կառավարությունը 2022 թվականի հուլիսի 4-ից մինչև 2023 թվականի հուլիսի 4-ն արգելելու է ցորենի և գարու արտահանումը. գրում է aliq.ge-ն։
Նախարարի խոսքով՝ հաշվի առնելով տարածաշրջանում ստեղծված իրավիճակը, պարենային անվտանգության ապահովման համար կարևոր է տեղական արտադրության ցորենն ու գարին վաճառել միայն ներքին շուկայում։
Ըստ Շամուգիայի՝ թեև Վրաստանն ամբողջությամբ կախված է ցորենի ներմուծումից (տարեկան 500 հազար տոննա) և չի կարողանում արտահանում իրականցնել քիչ արտադրանքի պատճառով, սակայն ներկա իրավիճակը վտանգ է ներկայացնում, որ երկրից որոշակի քանակությամբ ցորեն կարտահանվի։
Նախարարը նշել է, որ վրացական գարին արտահանվում է Իրաք և Իրան։ Անասնաբուծության, թռչնաբուծության և խոզաբուծության ոլորտում պարենային ռեսուրսը` գարին, կարևոր է, որ այս փուլում վաճառվի միայն տեղական շուկայում: Այս տարի գարու կանխատեսվող բերքը 60 հազար տոննայի սահմաններում է։ Այսօրվա դրությամբ արդեն արտահանվել է ավելի քան 2,5 հազար տոննա։
«Այս փուլում սահմանափակումները չեն տարածվում եգիպտացորենի արտահանման վրա։ Շրջակա միջավայրի և գյուղատնտեսության նախարարությունը մի շարք հանդիպումներ է ունեցել ցորենի և գարի արտադրողների հետ և լսել նրանց դիրքորոշումները։ Ըստ արտադրողների՝ տեղական շուկան, ելնելով առկա պահանջարկից, ամբողջությամբ կիրացնի երկրում արտադրվող բերքը»,- հավելել է Շամուգիան։
