13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Ջո Բայդենը G7-ի գագաթնաժողովը կլքի նախատեսված ժամկետից շուտ
Քաղաքականություն
28.06.2022 | 17:50
ԱՄՆ նախագահ Ջո Բայդենը վատ եղանակի պատճառով Գերմանիայում անցկացվող G7 գագաթնաժողովը կլքի նախատեսվածից շուտ: VOA-ի փոխանցմամբ՝ այս մասին հայտնել են Սպիտակ տանը։
Իր ժամանակացույցի համաձայն՝ Բայդենը պետք է ելույթ ունենար աշխարհի զարգացած տնտեսությունների ղեկավարների հանդիպման եզրափակիչ նիստում, որից հետո ուղղաթիռով մեկներ Մյունխեն։ Այնտեղից նա նախագահական ինքնաթիռով պետք է թռչեր Մադրիդ՝ մասնակցելու ՆԱՏՕ-ի գագաթնաժողովին։
Սակայն Սպիտակ տունը հայտարարել է, որ մառախուղի, ամպամածության և գագաթնաժողովի տարածքում հնարավոր ամպրոպի պատճառով ավտոշարասյունը Բայդենին կհասցնի Մյունխեն։
Մինչ վաղաժամկետ հեռանալը՝ Բայդենը հանդիպել է Մեծ Բրիտանիայի վարչապետ Բորիս Ջոնսոնի, Ֆրանսիայի նախագահ Էմանուել Մակրոնի, Իտալիայի վարչապետ Մարիո Դրագիի և գագաթնաժողովի հյուրընկալող Գերմանիայի կանցլեր Օլաֆ Շոլցի հետ։
Տաթև Ֆռանգյան
