26.02.2026 | 09:30
«Խոսքի և մամուլի ազատության, տեղեկատվության հասանելիության խթանումը ՀՀ-ում» ծրագրի մեկնարկը․ ՈՒՂԻՂ
ԵԽԽՎ-ն բանաձև է ընդունել, որը թույլ կտա Պեդրո Ագրամունտին պաշտոնանկ անելու գործընթաց սկսել
Քաղաքականություն
27.06.2017 | 17:57
Եվրոպայի խորհրդի խորհրդարանական վեհաժողովը երեքշաբթի օրը ձայների մեծամասնությամբ բանաձև է ընդունել, որն առաջարկում է կանոնակարգում փոփոխություններ կատարել և որը թույլ է տալիս վեհաժողովի ղեկավար Պեդրո Ագրամունտի պաշտոնից հեռացման գործընթաց սկսել. տեղեկացնում է ria.ru-ն:
Բանաձևին կղմ է քվեարկել 154 խորհրդարանական, դեմ՝ 30, ձեռնպահ՝ 13: Ընդհանուր առմամբ, քվեարկությանը մասնակցել է 197 խորհրդարանական:
Ընդունված բանաձևը հնարավորություն է տալիս Ագրամունտի՝ պաշտոնից հեռացման գործընթաց սկսել: Այսօրվա դրությամբ ԵԽԽՎ կանոնակարգում չկա ընտրված անձի հեռացման մասին դրույթ: Նա կարող է հեռանալ միայն ինքնակամ:
Ընտրովի պաշտոնի նկատմամբ պաշտոնանկություն սահմանելու հարցն առաջացել է այս տարվա գարնանը, երբ Վեհաժողովը Սիրիա այցի պատճառով Ագրամունտին անվստահության քվե էր հայտնել, բայց չէր կարողացել նրան հեռացնել պաշտոնից:
Ինքը՝ Ագրամունտը, ներկա չէ ամառային նստաշրջանի նիստին: Նրա փոխարեն նստաշրջանը վարում են նախագահի տեղակալները:
Բանաձևում ասվում է, որ «այն ուժի մեջ է մտնում դրա ընդունումից հետո»:
