09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պուտինի՝ Դուշանբե այցի ժամանակ կարող է բարձրացվել ԵՏՄ-ին Տաջիկստանի անդամակցության հարցը
Քաղաքականություն
27.06.2022 | 20:27
Եվրասիական տնտեսական միությանը (ԵՏՄ) Տաջիկստանի անդամակցության հարցը դեռ ուսումնասիրվում է, այն կարող է բարձրացվել նաև ՌԴ նախագահ Վլադիմիր Պուտինի՝ առաջիկա օրերին Դուշանբե և Աշխաբադ այցերի ժամանակ։ Այս մասին լրագրողների հետ զրույցում հայտարարել է Պուտինի օգնական Յուրի Ուշակովը, գրում է ՏԱՍՍ-ը։
«Մենք այդ հարցն անընդհատ քննարկում ենք մեր տաջիկ գործընկերների ու ընկերների հետ։ Մենք, իհարկե, տարբեր մակարդակներում ցույց ենք տալիս ԵՏՄ-ի շրջանակում ինտեգրման առավելությունը։ Մեր գործընկերներն ուսումնասիրում են այս հարցը։ Ինչ-որ չափով, իհարկե, այն կշոշափվի նաև նախագահի շփումների ժամանակ»,- ասել է Ուշակովը՝ պատասխանելով Դուշանբեի՝ ԵՏՄ-ին անդամակցելու հնարավորության մասին հարցին։
Հիշեցնենք, որ ԵՏՄ անդամ երկրներն են Հայաստանը, Բելառուսը, ՌԴ-ն, Ղազախստանն ու Ղրղզստանը։
Էմմա Չոբանյան
