18.05.2026 | 15:37
Ռուբեն Վարդանյանին առաջադրել են Վացլավ Հավելի անվան մարդու իրավունքների 2026-ի մրցանակի
ՆԱՏՕ-ն արագ արձագանքման ուժերի թիվը 40․000-ից կհասցնի 300․000-ի և ՌԴ-ին կճանաչի գլխավոր սպառնալիք
Քաղաքականություն
27.06.2022 | 19:36
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ ռազմական դաշինքը գրեթե ութ անգամ կավելացնի արագ արձագանքման ուժերի թիվը՝ հասցնելով մինչև 300․000 զինծառայողի՝ «ռազմավարական մրցակցության դարաշրջանի» պատճառով, գրում է BBC-ի ռուսական ծառայությունը։
ՆԱՏՕ-ի արձագանքնման ուժերում ներկայում ներառված է շուրջ 40․000 զինծառայող։ Ստոլտենբերգն ասել է, որ այլ միջոցների հետ միասին, որոնք ներառում են կոնկրետ դաշնակիցներին պաշտպանելու համար հատուկ ուժերի տեղակայում, այդ քայլը «սառը պատերազմից ի վեր կոլեկտիվ պաշտպանության և զսպման ամենամեծ վերանայումն է»։
Այս շաբաթ Մադրիդում տեղի է ունենալու ՆԱՏՕ-ի գագաթնաժողովը, որի ընթացքում ակնկալվում է, որ դաշինքի 30 անդամները նույնպես պայմանավորվելու են Ուկրաինային Ռուսաստանի դեմ պատերազմում հետագա աջակցության շուրջ:
Ստոլտենբերգն ակնկալում է, որ դաշնակիցները հստակ հասկացնելու են՝ Ռուսաստանը դարձել է լուրջ և ուղիղ սպառնալիք իրենց անվտանգությանը։ Մինչ այս, ՆԱՏՕ-ի ռազմավարական հայեցակարգում Ռուսաստանը սահմանվում էր որպես դաշինքի գործընկեր։
Յենս Ստոլտենբերգի խոսքով՝ ՆԱՏՕ-ի նոր ռազմավարական հայեցակարգում նշվելու է նաև Չինաստանից աճող սպառնալիքը։
Էմմա Չոբանյան
