10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
ՆԱՏՕ-ն կհայտարարի Վրաստանին աջակցության ավելացման մասին
Քաղաքականություն
27.06.2022 | 21:10
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Մադրիդում կայանալիք գագաթնաժողովում ՆԱՏՕ-ն կհայտարարի Վրաստանին աջակցության ավելացման մասին, գրում է Նովոստի Գրուզիան։
«Մենք կընդունենք աջակցության նոր փաթեթներ մեր գործընկեր Վրաստանի, Բոսնիա և Հերցեգովինայի, Մոլդովայի, ինչպես նաև Մավրիտանիայի և Թունիսի համար»,- ասել է Ստոլտենբերգն այսօր կայացած մամուլի ասուլիսում։
Մադրիդի գագաթնաժողովում դաշնակիցները կհամաձայնեցնեն նոր ռազմավարական հայեցակարգ, որը կսահմանի դաշինքի հիմնական սկզբունքներն ու խնդիրները՝ այն ավելի վտանգավոր և անկանխատեսելի աշխարհին նախապատրաստելու համար, հավելել է նա։
Հունիսի 28-30-ը Մադրիդում տեղի կունենա ՆԱՏՕ-ի գագաթնաժողովը։ Նախատեսվում է հաստատել դաշինքի ռազմավարական նոր հայեցակարգ, այդ թվում՝ Ռուսաստանի հետ կապված։
Տաթև Ֆռանգյան
