16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Հունաստանը եռապատկում է Թուրքիայի հետ սահմանի ցանկապատի երկարությունը՝ միգրանտների թվի աճի պատճատռով
Քաղաքականություն
27.06.2022 | 22:04
Հունաստանը ծրագրում է եռապատկել Թուրքիայի հետ սահմանի ցանկապատի երկարությունը՝ երկիր անցնելու փորձ կատարող փախստականների թվի անսպասելի աճի պատճառով, հայտնում է Ամերիկայի ձայնը:
Նշվում է, որ Աթենքը լրացուցիչ 80 կմ փշալար և պողպատ կավելացնի իր 40 կիլոմետրանոց ցանկապատին, հայտարարել է Հունաստանի Միգրացիայի նախարար Նոտիս Միտարաչին։
«Թուրքիայի կողմից հստակ փորձ կա՝ օգտագործելու միգրանտներին Հունաստանի հետ ճգնաժամ ստեղծելու համար։ Թվերը խոսում են»,- ասել է նա։
Միգրացիան Թուրքիայի և Հունաստանի միջև վիճելի հարցերից մեկն է: Աթենքը հաճախ մեղադրում է Անկարային Հունաստանի հետ իր սահմաններում ապաստան հայցող միգրանտներին որպես զենք օգտագործելու մեջ՝ նշելով, որ պարտավոր է դադարեցնել միգրանտների գաղտնի մուտքը Հունաստան։
Նշվում է, որ Թուրքիա-Հունաստան սահմանն ապօրինի հատել փորձող միգրանտների թիվը 20 տոկոսով ավելի է անցյալ տարվա համեմատ։ Հունիսին գրեթե 3000 մարդ փորձել է անօրինական կերպով Թուրքիայից Հունաստան անցնել՝ ընդհանուր 82 փորձի արդյունքում։
Հունաստանը նաև հարյուրավոր հավելյալ սահմանապահների է տեղակայել վերջին շաբաթների ընթացքում՝ սահմանի երկայնքով պարեկությունն ուժեղացնելու համար։
Հիշեցնենք, որ 2016 թվականին ստորագրված ԵՄ համաձայնագրով Թուրքիան համաձայնել է սահմանափակել Հունաստանի տարածքով միգրանտների և փախստականների հոսքը դեպի Միություն։
Էմմա Չոբանյան
