17.01.2026 | 14:10
Նոր համայնքային փնջեր են ձևավորվելու․ նախարարությունը նախագիծ է ներկայացրել
Զելենսկին կոչ է արել «Մեծ յոթնյակի» առաջնորդներին օգնել Ուկրաինային՝ մինչև տարեվերջ դադարեցնել պատերազմը
Քաղաքականություն
27.06.2022 | 16:18
Ուկրաինայի նախագահ Վլադիմիր Զելենսկին տեսակապի միջոցով ելույթ է ունեցել G7-ի (Մեծ յոթնյակի) գագաթնաժողովում։ Նա շնորհակալություն է հայտնել G7-ի երկրների ղեկավարներին պաշտպանական և ֆինանսական աջակցության համար, գրում է BBC-ի ռուսական ծառայությունը։
«Մեզ համար կարևոր է նաև G7-ի երկրների հետևողական դիրքորոշումը պատժամիջոցների հարցում։ Դրանք պետք է է՛լ ավելի ամրապնդվեն, մասնավորապես՝ սահմանափակելով ագրեսորի կողմից նավթի արտահանման գինը»,- ասել է նա։
Agence France-Presse-ը, հղում անելով իր աղբյուրներին, գրում է, որ Զելենսկին կոչ է արել G7-ի երկրների ղեկավարներին «մեծ ցատկ» անել՝ մինչև տարեվերջ պատերազմն ավարտելու համար։ Ըստ AFP-ի՝ Ուկրաինայի նախագահն ընդգծել է Ռուսաստանի դեմ «կոշտ միջոցների» անհրաժեշտությունը և խնդրել է Արևմուտքին ոչ միայն չթուլացնել ճնշումը Մոսկվայի նկատմամբ, այլև ընդլայնել պատժամիջոցները։
Նշենք, որ նախօրեին աշխարհի յոթ առաջատար դեմոկրատական տերություններից չորսը, որոնց առաջնորդները հավաքվել էին Բավարիայում G7-ի գագաթնաժողովին, հայտարարել են ռուսական ոսկու մատակարարումն արգելելու մտադրության մասին։
Տաթև Ֆռանգյան
