22.04.2026 | 14:37
«Ինտերի» ու «Միլանի» ֆուտբոլիստներն անցնում են մարմնավաճառության հետ կապված աղմկահարույց գործով
Թուրքիայի հյուսիսային շրջաններում ջրհեղեղներ են․ հայտարարվել է վտանգի ամենաբարձր՝ կարմիր աստիճան․ ԼՈՒՍԱՆԿԱՐՆԵՐ
Քաղաքականություն
27.06.2022 | 16:36
Թուրքիայի հյուսիսային Սևծովյան Կաստամոնու նահանգում ջրհեղեղներ են կիրակի տեղացած հորդառատ անձևներից հետո, գրում են թուրքական լրատվամիջոցները։
Նշվում է, որ հյուսիսային Ինեբոլու շրջանի նույնանուն՝ Ինեբոլու գետը դուրս է եկել ափերից ու սկսել ողողել բնակելի տարածքները՝ վնասներ հասցնելով։ Տների նկուղային հարկերը լցվել են ջրով, տեղի իշխանությունները շենքերի առաջին հարկերում գտնվող խանութների տերերին հորդորել են չբացել դրանք։ Տեղացիներին նաև հորդորել են չմոտենալ բանկերին և պատսպարվել շենքերի վերին հարկերում, եթե վտանգի տակ են առաջին և նկուղային հարկերում գտնվող բնակարանները: Անձևների հետևանքով նաև ժամանակ առ ժամանակ էլեկտրաէներգիայի անջատումներ են գրանցվել։
Ջրհեղեղի հետևանքով փլուզվել են գետի վրայով անցնող երկու երկաթյա կամուրջները։ Հեղեղը հանգեցրել են նաև շրջանը Կաստամոնուի կենտրոնին կապող ճանապարհի փակմանը:
Թուրքիայի օդերևութաբանական ծառայությունն ու Աղետների ու արտակարգ իրավիճակների կառավարման վարչությունը հայտարարել են վտանգի ամենաբարձր՝ կարմիր աստիճան։
Ջրհեղեղները խաթարել են կյանքը նաև Կաստամոնուի հարևան Սինոփ և Բարթին նահանգներում, որոնք նույնպես տուժել էին 2021 թվականի օգոստոսին տեղի ունեցած մահացու ջրհեղեղներից: Սինոփի Թյուրքելի թաղամասում հորդառատ անձրևից հետո ջրերը հեղեղել են մզկիթը և մի քանի տներ: Ժամանակավորապես կառուցված կամուրջները, որոնք փոխարինել են անցյալ տարվա ջրհեղեղների հետևանքով վնասված հին կամուրջներին, փակվել են Թյուրքելիի երեք գյուղերում անցումները՝ փակելով մուտքը մոտ 15 գյուղեր, իսկ Թյուրքելի կենտրոնական փողոցը փակվել է ջրհեղեղի պատճառով։ Բարթինում էլ հեղեղները ողողել են տների նկուղային հարկերը։
Հիշեցնենք, որ նախորդ տարի Թուրքիայի հյուսիսային շրջաններում կրկին ջրհեղեղներ էին տեղի ունեցել։
Էմմա Չոբանյան
