09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՆԱՏՕ-ի գագաթնաժողովից առաջ Թուրքիայի, Շվեդիայի, Ֆինլանդիայի և Դաշինքի ղեկավարների մասնակցությամբ քառակողմ հանդիպում կանցկացվի
Քաղաքականություն
27.06.2022 | 14:14
Մադրիդում հունիսի 28-ին տեղի կունենա քառակողմ գագաթնաժողով՝ ՆԱՏՕ-ի, Թուրքիայի, Շվեդիայի և Ֆինլանդիայի ղեկավարների մասնակցությամբ։ Այս մասին Habertürk հեռուստաալիքի եթերում հայտնել է Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը, գրում է «Անադոլու» գործակալությունը։
Նա հիշեցրել է, որ Թուրքիայի ներկայացուցիչներն արդեն երկու անգամ հանդիպել են Սկանդինավյան երկրների ներկայացուցիչներին՝ ՆԱՏՕ-ին Ստոկհոլմի և Հելսինկիի միանալու հայտերը քննարկելու նպատակով։
Քալընը պատմել է, որ Թուրքիայի նախագահ Ռեջեփ Թայիփ Էրդողանն ու ՆԱՏՕ-ի գլխավոր քարտուղար Յենս Ստոլտենբերգը վերջին հեռախոսազրույցի ընթացքում պայմանավորվել են բանակցությունների երրորդ փուլի կազմակերպման հարցում։
«Մադրիդում քառակողմ գագաթնաժողովի նախօրեին՝ հունիսի 27-ին, Բրյուսելում տեղի կունենա հանդիպում, որին Թուրքիան ներկայացնելու ենք ես և ԱԳ փոխնախարար Սեդաթ Օնալը»,- ասել է Քալընը։
Նա նշել է, որ քառակողմ գագաթնաժողովին մասնակցելու՝ Անկարայի համաձայնությունը չի նշանակում դիրքորոշումը վերանայելու պատրաստակամություն։ Քալընի խոսքով՝ եթե Բրյուսելում առաջընթաց գրանցվի, ապա Մադրիդում կայանալիք գագաթնաժողովի օրակարգն ավելի դրական կստացվի։
Էմմա Չոբանյան
