13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքական Մարմարիսում երրորդն օրն է՝ չի հաջողվում մեկուսացնել անտառային խոշոր հրդեհը․ շուրջ 300 մարդ է տարհանվել
Քաղաքականություն
23.06.2022 | 20:28
Թուրքիայի Մուղլա նահանգի Մարմարիս հանգստավայրում խոշոր անտառային հրդեհները երրորդ օրն է՝ չի հաջողվում մեկուսացնել, գրում են թուրքական լրատվամիջոցները։
Ամազոնյան ծովածոցի մոտ բռնկված հրդեհները տարածվել են Օթլուկ ծովածոցի տարածք և այժմ բնակելի թաղամասերից ընդամենը չորս կիլոմետր հեռավորության վրա են։
Բորդուբեթի և Դեղիրմենյանի շրջաններում տարհանվել է 30 տուն։ Իշխանությունները հայտնում են, որ, ընդհանուր առմամբ, 275 մարդու են տարհանել։ Անտառային տնտեսության նախարար Վահիտ Քիրիշչին ասել է, որ տուժել է մոտ 3000 հեկտար (մոտ 7400 ակր) անտառ:
Աղետների և արտակարգ իրավիճակների կառավարման նախագահության (AFAD) տվյալներով՝ ներկայում մոտ 1400 հրշեջներ իրենց տրամադրության տակ ունեն 338 մեքենա, 20 ուղղաթիռ և 14 ինքնաթիռ։
Ամսվա սկզբին մեկ շաբաթվա ընթացքում 17 անտառային հրդեհ է տեղի ունեցել Մուղլայում, որը նախորդ տարվա խոշոր անտառային հրդեհներից երկու ամենաշատ տուժած նահանգներից մեկն էր։
Էմմա Չոբանյան
