17.01.2026 | 14:10
Նոր համայնքային փնջեր են ձևավորվելու․ նախարարությունը նախագիծ է ներկայացրել
Ռուսաստանից նավթ տեղափոխող լցանավերն ավելի հաճախ են սկսել անհետանալ ռադարներից․ Bloomberg
Քաղաքականություն
23.06.2022 | 20:51
Ռուսական նավթ տեղափոխող և այն այլ նավեր փոխադրող լցանավերը սկսել են անհետանալ ծովում տեղաշարժերը հետևող համակարգերի ռադարներից, գրում է Bloomberg-ը։
Գործակալության տվյալներով՝ վերջին 10 օրվա ընթացքում Ատլանտյան օվկիանոսում՝ Ազորյան կղզիների մոտ, առնվազն երեք լցանավ է «անհետացել»։ Նավերը, հավանաբար, նավթ էին բեռնում այլ նավերի վրա։ Նման գործողություններ այս վայրերում չեն իրականացվել մինչև Ուկրաինայի տարածքում ՌԴ-ի կողմից ռազմական գործողություններ սկսելը։
Նշվում է, որ նավթի փոխադրումը մի նավից մյուսը սովորական պրակտիկա է, սակայն մոնիթորինգի համակարգում սովորաբար տեսանելի է լցանավերի գտնվելու վայրը։
Հոդվածի հեղինակները ենթադրում են, որ Ռուսաստանի դեմ արևմտյան պատժամիջոցների ֆոնին որոշ գնորդներ ցանկանում են գաղտնի պահել վառելիքի գնումների փաստը։ Նախկինում նման մարտավարություն կիրառում էին Իրանից և Վենեսուելայից պատժամիջոցների պայմաններում նավթ փոխադրողները։
Ավելի վաղ Bloomberg-ը հայտնել էր, որ Ռուսաստանը մեծ զեղչերի պատճառով սկսել է Իրաքին դուրս մղել ասիական նավթի շուկայից։
Տաթև Ֆռանգյան
