05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Սևանա լճին մեծ վտանգ է սպառնում. բնապահպանները ստորագրահավաքով «SOS Սևան» պայքար են սկսում
Հասարակություն
27.06.2017 | 15:42
Սևանա լճին մեծ վտանգ է սպառնում հավելյալ 100 միլիոն մ3 ջուր բաց թողնելու պատճառով: Կառավարությունը հիմնավորում է իր որոշումը Սևան-Հրազդան հիդրոկասկադի էլեկտրաէներգիայի արտադրության ծավալների և ոռոգման տարածքների մեծացմամբ:
Վերջնական որոշումը պետք է կայացնի ՀՀ Ազգային ժողովը: Հարցը դրված է ՀՀ Ազգային ժողովի հուլիսի 4-ի նիստի օրակարգում: Սևանն անմտածված որոշումների օբյեկտ չէ, այն ազգային առաջնահերթություն է և մեր ազգային անվտանգության ռազմավարական երաշխավորը: «S.O.S. Սևան» նախաձեռնությունը կոչ է անում բոլոր նրանց, ում համար թանկ է Սևանա լիճը, թույլ չտալ Սևանա լճից հավելյալ ջրառը, որը Սևանա լճից հավելյալ 1 միլիարդ մ3 ջուր վերցնելու ՀՀ կառավարության ծրագրի առաջին քայլն է:
«S.O.S. Սևան» նախաձեռնությունը կլոր սեղան-խորհրդակցություն-մամուլի ասուլիս էր հրավիրել, որի ընթացքում ստորագրահավաք մեկնարկեց՝ Սևանա լճից հավելյալ ջրառի դեմ:
«Արդեն մնացել են բնության վերջին մասունքները՝ Սևան, Ջերմուկի հանքային ջրեր, ու դրանք էլ են կապիտալիզացվում՝ ի վնաս մեր ժողովրդի, մեր երկրի»,- ասաց «Հայաստանի անտառներ» ՀԿ-ի տնօրեն, իրավաբան Նազելի Վարդանյանը:
Առավել մանրամասն՝ տեսանյութում:
