12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Շինարարները մեր հետևից չեն հասնում, գումարը տալիս ենք` չեն հասցնում կառուցել. Փաշինյան․ ՏԵՍԱՆՅՈՒԹ
Տնտեսություն
23.06.2022 | 11:42
«Մեր բոլոր կապիտալ ծրագրերը թերակատարվում են: Մենք ծրագրերի իրականացման հարցում ֆինանսավորման խնդիր չունենք. Մենք ծրագիր չունենք, որ շինարարը կառուցում է, մենք հետևից չենք հասնում, հակառակը, շինարարները մեր հետևից չեն հասնում, և դա պրոբլեմ է»,- այս մասին կառավարության այսօրվա նիստում նշեց վարչապետ Նիկոլ Փաշինյանը:
Անդրադառնալով մամուլի հրապարակումներին, ըստ որոնց՝ շինարարները բողոքում են, թե իրենց գումարները չեն տրվում, Փաշինյանը նշեց. «Գումարները չեն տրվում, եթե աշխատանքները որակով չեն իրականացվում: Հանկարծ որևէ մեկը հույս չունենա, որ խոտանի համար պետությունը վճարելու է: Դա բացառված է: Բացառվում է, որ պատշաճ կարգով ընդունված որևէ ծրագրի ֆինանսավորումը իրականացված չլինի, իսկ խոտանի համար ինչո՞ւ պիտի պետությունը վճարի»:
«Մենք պետք է «սև» ու «սպիտակ» ցուցակներից բացի՝ նաև պետք է ռեյտինգավորենք կապալառու ընկերություններին, որովհետև դեպքեր կան, որ հաղթում են մրցույթները, բայց պատշաճ որակով ու ժամանակին չեն իրականացնում աշխատանքը»,- նշեց վարչապետը:
Մանրամասները՝ տեսանյութում:
