28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Աֆղանստանում երկրաշարժի խլած մարդկային կյանքերի թիվը կարող է գերազանցել 1 500-ը
Քաղաքականություն
23.06.2022 | 11:26
Չորեքշաբթի՝ հունիսի 22-ին, Աֆղանստանի արեւելքում տեղի ունեցած հզոր երկրաշարժի զոհերի թիվը կարող է շատ ավելի մեծ լինել, քան նախապես հաղորդվել է։ Պակիստանի սահմանին մոտ գտնվող Պակտիկա և Խոստ նահանգներում զոհերի թիվը կարող է գերազանցել 1500-ը , հայտնում է Al Jazeera քաթարական հեռուստաալիքը՝ վկայակոչելով «Թալիբան» շարժման ներկայացուցչին։
Ըստ աղբյուրի՝ փլուզված շենքերի փլատակներում անհայտ թվով մարդիկ են մնում։ Ավելի վաղ աֆղանական Bakhtar գործակալությունը հայտնել էր առնվազն 1000 զոհի և 1500 վիրավորի մասին։ «Սպասվում է, որ զոհերի թիվը կաճի, քանի որ որոնողափրկարարական աշխատանքները շարունակվում են»,- հայտարարել են ՄԱԿ-ի ներկայացուցիչները։
BBC-ի փոխանցմամբ՝ որոնողափրկրարական աշխատանքները դժվարանում են հորդ անձրևի ու ռեսուրսների բացակայության պատճառով։
Վերջին 20 տարվա ընթացքում Աֆղանստանում տեղի ունեցած ամենամահաբեր երկրաշարժը մեծ մարտահրավեր է թալիբների համար՝ իսլամիստական շարժում, որը վերականգնեց իշխանությունը 2021 թվականին՝ Արևմուտքի կողմից աջակցվող կառավարության ձախողումից հետո: Սեյսմիկ ակտիվությամբ աչքի ընկնող Աֆղանստանում երկրաշարժերը սովորաբար աղետալի հետևանքներ են ունենում անորակ շինարարության պատճառով:
Տաթև Ֆռանգյան
