16.09.2026 | 19:37
Եվրոպա լիգա․ «Արարատ-Արմենիայի» մեկնարկային կազմը «Սպարտա Պրահայի» դեմ խաղում
Եվրահանձնաժողովը հավանություն է տվել Ուկրաինայի ու Մոլդովայի հայտին, Վրաստանը պետք է պայմաններ կատարի
Քաղաքականություն
17.06.2022 | 17:22
Եվրահանձնաժողովը խորհուրդ է տալիս, որ Եվրախորհուրդը Ուկրաինային շնորհի Եվրամիության անդամի թեկնածուի կարգավիճակ՝ անհրաժեշտ քայլերի հետագա իրականացմամբ։ Այս մասին հունիսի 17-ին հայտարարել է ԵՀ նախագահ Ուրսուլա ֆոն դեր Լեյենը։
«Հանձնաժողովը խորհուրդ է տալիս Խորհրդին՝ առաջինը՝ Ուկրաինային տալ եվրոպական հեռանկար, երկրորդը՝ Ուկրաինային տալ թեկնածուի կարգավիճակ։
Սա, իհարկե, ենթադրում է, որ երկիրը հետամուտ է լինելու մի շարք հետագա կարևոր բարեփոխումների»,- ասել է նա։
Եվրահանձնաժողովը նաև աջակցել է Մոլդովային թեկնածուի կարգավիճակ շնորհելուն։ Սրա հետ մեկտեղ Վրաստանը պետք է պայմաններ կատարի կարգավիճակ ստանալու համար։
Ավելի վաղ ԶԼՄ-ները հայտնել էին, որ ԵՄ երկու երկրներ՝ Նիդեռլանդներն ու Դանիան, դեմ էին Ուկրաինային անդամի թեկնածուի կարգավիճակ շնորհելուն։
Լրատվամիջոցների հաղորդմամբ՝ Նիդեռլանդները Եվրահանձնաժողովից խնդրել էր զգուշորեն նախանշել ԵՄ անդամակցության հարցում Ուկրաինայի հետագա մոտեցման պայմանները։
Տաթև Ֆռանգյան
