16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
ՀՀ ՔՏՀԱ տեսչական մարմինը ծանրաքաշ տրանսպորտային միջոցների նկատմամբ վերահսկողությունն իրականացրել է Տավուշի մարզում
16.06.2022 | 18:41
ՀՀ քաղաքաշինության, տեխնիկական և հրդեհային անվտանգության տեսչական մարմինը շարունակում է միջպետական, հանրապետական նշանակության ավտոճանապարհներով ծանրաքաշ և մեծ եզրաչափերով բեռնափոխադրումներ իրականացնող տրանսպորտային միջոցների նկատմամբ վերահսկողություն իրականացումը․ տեղեկացնում են ՔՏՀԱ-ից։
2022 թվականի հունիսի 13-ից 16-ը ընկած ժամանակահատվածում Տեսչական մարմնի տրանսպորտային անվտանգության վարչության և Տավուշի տարածքային բաժնի մասնագետները «Ճանապարհային ոստիկանություն» ծառայության աշխատակիցների հետ համատեղ մշտադիտարկումներ են իրականացրել են ՀՀ Տավուշի մարզով անցնող Մ-4՝ Երևան – Սևան – Իջևան- Բագրատաշեն դեպի Վրաստանի Հանրապետության սահման միջպետական նշանակության ավտոմոբիլային ճանապարհով անցնող ծանրաքաշ և մեծ եզրաչափերով տրանսպորտային միջոցների նկատմամբ։
Մշտադիտարկվել է միջպետական փոխադրումներ իրականացնող 31 տրանսպորտային միջոց, որի արդյունքում խախտումներ չեն հայտնաբերվել։
Միջպետական փոխադրումներ իրականացնող իրավաբանական և ֆիզիկական անձանց կողմից պահպանվել են Միջազգային պայմանագրերով և ՀՀ օրենսդրությամբ նախատեսված տրանսպորտային անվտանգության բնագավառի պահանջները։
