09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Կոնջորյանը` Արթուր Դավթյանին դատախազի պաշտոնում չառաջադրելու մասին․ ՏԵՍԱՆՅՈՒԹ
Քաղաքականություն
16.06.2022 | 17:04
«Քաղաքացիական պայմանագիր» խմբակցության ղեկավար Հայկ Կոնջորյանը Ազգային ժողովում պատասխանելով լրագրողների հարցին, հաստատեց մամուլում շրջանառվող տեղեկությունն այն մասին, որ «Քաղաքացիական պայմանագիրը» Աննա Վարդապետյանին է առաջադրելու գլխավոր դատախազի պաշտոնում։
«Մեր քաղաքական թիմը և խմբակցությունը գտել է, որ մեր լավագույն թեկնածուն Աննա Վարդապետյանն է»,- նշեց «Քաղաքացիական պայմանագիր» խմբակցության ղեկավարը:
«Մեր ընտրության տրամաբանությունը պետք է դիտարկել ոչ այնքան նրանով, թե ում չենք ուզել առաջադրել, այլ թե ում ենք ուզել առաջադրել,- նշեց Կոնջորյանը՝ անդրադառնալով հարցին, թե ինչու գործող գլխավոր դատախազ Արթուր Դավթյանի թեկնածությունը չի առաջադրվում, քանի որ օրենքը թույլ է տալիս երկրորդ անգամ առաջադրել նրա թեկնածությունը, և արդյոք բացեր են նկատել նրա աշխատանքում:
«Սա քաղաքական թիմի որոշումն է։ Թույլ տվեք համեմատություններ չանեմ, հարգում եմ բոլորի անցած ճանապարհը, կատարած գործողությունները Հայաստանի քաղաքացիների և ժողովրդի շահերին ծառայելու համար»,- ասաց Կոնջորյանը:
Մանրամասները՝ տեսանյութում:
