28.07.2026 | 13:59
Սկանդալ ԱՄՆ-ի և Ֆրանսիայի միջև ՄԱԿ-ի ԱԽ-ում․ ԱՄՆ պատվիրակությունը Ֆրանսիայի ներկայացուցչի ելույթի ժամանակ լքել է դահլիճը
Եվրոպայում գազը թանկացել է մեկ քառորդով
Քաղաքականություն
16.06.2022 | 20:57
Եվրոպական շուկայում գազի գինը կտրուկ բարձրացել է «Հյուսիսային հոսք 1» գազատարով մատակարարումների 60 տոկոս նվազումից հետո, գրում է korrespondent-ը։
Հինգշաբթի՝ հունիսի 16-ին, Նիդեռլանդներում գազի գները բարձրացել են 25%-ով՝ հասնելով հազար խորանարդ մետրի դիմաց 1450 դոլարի կամ 130 եվրոյի` մեկ ՄՎտ/ժ-ի համար:
«Գազպրոմը» կրճատել է մատակարարումները դեպի Եվրոպա՝ դա բացատրելով Կանադայում սպասարկվող Siemens Energy սարքավորումների մատակարարումների հետաձգմամբ։ Գերմանիայի էներգետիկայի կարգավորիչը մերժել է այս բացատրությունը։
«Գազպրոմի» կողմից Գերմանիա մատակարարումների դադարեցումը նախազգուշական ազդանշան է, որը կարող է խնդիրներ առաջացնել Եվրոպայի խոշորագույն տնտեսության համար այս ձմռանը, ասել է երկրի էներգետիկայի կարգավորիչի ղեկավարը։
«Դա կվատթարացնի մեր դրությունը: Միգուցե մենք կկարողանանք հաղթահարել ամառը, քանի որ ջեռուցման սեզոնն ավարտված է: Բայց ծայրահեղ կարևոր է, որ մենք լցնենք պահեստարանները` ձմեռը հաղթահարելու համար», – ասել է Կլաուս Մյուլերը Rheinische Post թերթին:
Տաթև Ֆռանգյան
