09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Չավուշօղլուն հայտարարել է, որ Թուրքիային չեն բավարարում ՆԱՏՕ-ի հարցով Շվեդիայի և Ֆինլանդիայի ներկայացրած փաստարկները
Քաղաքականություն
16.06.2022 | 19:58
Շվեդիայի և Ֆինլանդիայի կողմից թուրքական կողմին ներկայացված փաստարկները՝ ՆԱՏՕ-ին այդ երկրների անդամակցության վերաբերյալ, հեռու են Անկարայի սպասելիքներից։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Նորվեգիայի և Իռլանդիայի իր գործընկերների հետ հանդիպման արդյունքներով մամուլի ասուլիսում, գրում է «Անադոլու» գործակալությունը։
«Շվեդիայի և Ֆինլանդիայի կողմից Թուրքիային ուղարկված փաստաթղթերը՝ կապված ՆԱՏՕ-ին նրանց անդամակցելու դիմումների հետ, շատ հեռու են մեր սպասելիքներից»,- ասել է Չավուշօղլուն։
Նրա խոսքով՝ թուրքական իշխանությունները Ստոկհոլմին եւ Հելսինկիին, ինչպես նաև Հյուսիսատլանտյան դաշինքի ղեկավարությանը տեղեկացրել են թերությունների մասին։
Պատասխանելով հարցին, թե որքա՞ն ժամանակ Թուրքիան դեմ կլինի ՆԱՏՕ-ին Շվեդիայի և Ֆինլանդիայի անդամակցությանը, Չավուշօղլուն պատասխանել է, թե դա կախված է այդ երկրների՝ Անկարայի կողմից հնչեցված պահանջները կատարելու պատրաստակամությունից։
«Այժմ մեզ պետք է համաձայնության գալ, թե ինչպես և որտեղ այդ երկու երկրները կարդարացնեն մեր սպասելիքները»,- ասել է Թուրքիայի ԱԳ նախարարը։
Էմմա Չոբանյան
