06.11.2024 | 19:06
Վարչապետի որոշմամբ Արմեն Հայրապետյանն ազատվել է ՍԱՏՄ ղեկավարի պաշոտնից
Թուրքական Բոդրում առողջարանային քաղաքի ջրերն աղտոտված են քիմիական թափոնները ծովը լցնելու պատճառով
Քաղաքականություն
16.06.2022 | 14:12
Թուրքիայի Բոդրում առողջարանային քաղաքի ծովային ջրերն աղտոտված են քիմիական, արդյունաբերական, գյուղատնտեսական և կենցաղային թափոնների ծովը թափվելու կամ ջրին խառնվելու պատճառով, հայտնում է Milliyet-ը։
«Թուրքական ծովերի աղտոտվածությունը մեծանում է ծովեր քիմիական, արդյունաբերական, գյուղատնտեսական և կենցաղային թափոնների թափվելու կամ խառնվելու պատճառով։ Ծովի աղտոտվածությամբ տառապող հանգստավայրերից մեկը Բոդրումի Մուղլա շրջանն է։ Բնապահպանները զգուշացնում են, որ եթե նախազգուշական միջոցներ չձեռնարկվեն, Բոդրումի ջրերը նման կլինեն Մարմարա ծովին»,- գրում է հրատարակչությունը։
Բոդրումի քաղաքային խորհրդի նախագահ Արիֆ Յըլմազն ուշադրություն է հրավիրել ծովի այն տարածքի աղտոտվածության վրա, որտեղ գտնվում է նավահանգիստը։ Խոսելով այն մասին, որ նավահանգստից դուրս խարսխված որոշ նավեր, չնայած արգելքին և մեծ տուգանքներին, անօրինական կերպով թափում են իրենց աղբը, Յըլմազը նշել է, որ այդ արգելված թափոններն աղտոտում են ծովը։
Տաթև Ֆռանգյան
