09.01.2025 | 17:17
Այցելել եմ Ասլանյանի տուն, հասկացել` պահի տակ որոշակի էմոցիոնալ գնահատակներ է հնչեցրել. Հայրապետյան․ ՏԵՍԱՆՅՈՒԹ
Աննա Վարդապետյանը՝ գլխավոր դատախազի թեկնածու. նա վաղը կհանդիպի ՔՊ-ականներին
Քաղաքականություն
15.06.2022 | 22:36
Factor.am-ի տեղեկություններով իշխանությունները ցանկանում են ՀՀ գլխավոր դատախազի պաշտոնի համար առաջադրել Աննա Վարդապետյանի թեկնածությունը: Վաղը նախատեսված է «Քաղաքացիական պայմանագիր» խմբակցության և Աննա Վարդապետյանի հանդիպումը: ՔՊ-ից երկու պատգամավոր, անանուն մնալու պայմանով, հաստատեցին Factor.am-ի տեղեկությունները՝ նշելով, որ խմբակցության ղեկավարությունից, հանդիպման մասին տեղեկացնելով, շեշտել են, որ Աննա Վարդապետյանի առաջադրման և նրա հետ հանդիպման մասին տեղեկություններն առայժմ չհրապարակեն:
Մենք փորձեցինք մեկնաբանություն ստանալ Աննա Վարդապետյանից և ՔՊ խմբակցության քարտուղար Արթուր Հովհաննիսյանից, սակայն մեր հեռախոսազանգերը մնացին անպատասխան։
Նշենք, որ այս տարվա սեպտեմբերի 16-ին լրանում է գլխավոր դատախազ Արթուր Դավթյանի պաշտոնավարման ժամկետը: Նա ընտրվել էր ՀՀԿ իշխանության օրոք: Չնայած Նիկոլ Փաշինյանի սուր քննադատություններին, Դավթյանը Փաշինյանի իշխանության գալուց հետո շարունակեց պաշտոնավորել:
Հիշեցնենք՝ Աննա Վարդապետյանը հեղափոխությունից հետո նշանակվեց արդարադատության նախարարի տեղակալ՝ պաշտոնավարելով մինչ 2019 թվականի նոյեմբերը, իսկ 2020 թվականի մարտից առ այսօր Նիկոլ Փաշինյանի օգնականն է:
Նարեկ Կիրակոսյան
