08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Էրդողանը և Ստոլտենբերգը քննարկել են Շվեդիայի և Ֆինլանդիայի՝ ՆԱՏՕ-ին անդամակցելու դիմումների թեման
Քաղաքականություն
15.06.2022 | 22:17
Թուրքիայի նախագահ Ռեջեփ Թայիփ Էրդողանը այսօր հեռախոսազրույց է ունեցել ՆԱՏՕ-ի գլխավոր քարտուղար Յենս Ստոլտենբերգի հետ, գրում է Անադոլուն։
Թուրքիայի նախագահի աշխատակազմը հայտնում է, որ Էրդողանը և Ստոլտենբերգը քննարկել են Շվեդիայի և Ֆինլանդիայի Հյուսիսատլանտյան դաշինքին միանալու դիմումների թեման։ Էրդողանը կրկին հնչեցրել է Անկարայի դիրքորոշումը տվյալ հարցի վերաբերյալ՝ նշելով, որ անհրաժեշտ է քայլեր ձեռնարկել՝ «վերացնելու Թուրքիայի օրինական անվտանգության մտահոգությունները»։
Նա հայտարարել է, որ Շվեդիայի և Ֆինլանդիայի՝ ՆԱՏՕ-ին անդամակցելու գործընթացում առաջընթացն անհնար է առանց Անկարայի մտահոգություններին անդրադառնալու գործնական քայլերի և գրավոր պարտավորությունների՝ վերանայելու սկանդինավյան երկրների կողմից ահաբեկչության դեմ պայքարի և պաշտպանական-արդյունաբերական համագործակցության մոտեցումները։
Հիշեցնենք, որ Ստոլտենբերգը նախօրեին էլ հեռախոսազրույց էր ունեցել Թուրքիայի ԱԳ նախարար Մևլութ Չավուշօղլուի հետ։
Էմմա Չոբանյան
