15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Ադրբեջանն ու Թուրքիան ավելի քան 20 համատեղ զորավարժություն կանցկացնեն այս տարի
Քաղաքականություն
15.06.2022 | 22:48
Անկարան ու Բաքուն այս տարվա ընթացքում նախատեսել են ավելի քան 20 համատեղ զորավարժություն, ինչպես Ադրբեջանում, այնպես էլ Թուրքիայում, գրում են ադրբեջանական լրատվամիջոցները։ Այս մասին հայտարարել է Ադրբեջանի պաշտպանության նախարարի տեղակալ, ցամաքային զորքերի հրամանատար, գեներալ-լեյտենանտ Անվար Էֆենդիևը Շուշիում կայացած համաժողովի ժամանակ։
Ըստ նրա ՝ զորավարժություններից մի քանիսն արդեն անցկացվել են։ Նա նշել է, որ նման զորավարժությունները մեծ նշանակություն ունեն ռազմական համագործակցության և երկու ժողովուրդների միջև եղբայրության ամրապնդման տեսանկյունից։
Հավելենք, որ Արցախի գրավյալ Շուշիում այսօր Ադրբեջանի ու Թուրքիայի պաշտոնյաների մասնակցությամբ անցկացվում է համաժողով՝ նվիրված «Շուշիի հռչակագրի» ստորագրման առաջին տարելիցին։
Էմմա Չոբանյան
