«Պարեկը հանեց զենքը ու սպառնաց կրակել»․ գյումրեցի ընդդիմադիր գործիչն ահազանգում է

Լուրեր

19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
19.11.2026 | 14:14
Երևանում կասեցվել է «Սիթի» ընկերության հացի արտադրամասի գործունեությունը․ հայտնաբերվել են սանիտարական խախտումներ
19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
19.11.2026 | 13:37
Չե՛նք հանդուրժելու, զբաղվե՛ք․ Աղաջանյանը Էդգար Ղազարյանի հարցով դիմեց ընդդիմադիրներին․ ՏԵՍԱՆՅՈՒԹ
19.11.2026 | 13:29
Փաշինյանը՝ դեկտեմբերի 3-ին սպասվող Պուտինի հետ հանդիպման մասին․ ՏԵՍԱՆՅՈՒԹ
19.11.2026 | 13:21
Ռուսաստանի հավաքականը չի մասնակցի Եվրո-2028-ին
19.11.2026 | 13:14
Չեմ բացառում` վարչապետից մինչև թաղապետի պաշտոն կարող եմ զբաղեցնել. Ալեն Սիմոնյան․ ՏԵՍԱՆՅՈՒԹ
19.11.2026 | 13:06
«Խոսրովի անտառ» արգելոցի ֆոտոթակարդները կրկին կովկասյան ընձառյուծ են արձանագրել
19.11.2026 | 12:57
Չինաստանում մեկնարկել է Թրամփի, Պուտինի և Սի Ցզինպինի եռակողմ հանդիպումը. ՏԵՍԱՆՅՈՒԹ
19.11.2026 | 12:50
Թրամփը նիրհել է ԱԽՏՀ գագաթնաժողովում Սի Ցզինպինի ելույթի ժամանակ․ ՏԵՍԱՆՅՈՒԹ
19.11.2026 | 12:41
Արմավիրի մարզում 25-ամյա տղամարդը օդաճնշիչ հրացանով պատահաբար կրակել է աներորդու վրա․ 24-ամյա երիտասարդը մահացել է
19.11.2026 | 12:30
Էդպես հեգնել եք լողով զբաղվելը, դրա համար մարզեր կան, որ լողավազան չունեն․ նախարարը՝ ընդդիմադիրներին․ ՏԵՍԱՆՅՈՒԹ
Բոլորը

Գյումրեցի ընդդիմադիր գործիչ Կարապետ Պողոսյանն ահազանգում է, որ Գյումրու Երևանյան խճուղում պարեկային ծառայության աշխատակիցներից մեկն իր նկատմամբ ապօրինություն է կատարել, հանել է զենքը և փորձել կրակ բացել իր ուղղությամբ։

Այս մասին Պողոսյանը գրառում է արել ֆեյսբուքյան էջում՝ նշելով, որ վաղը մամուլի ասուլիս է հրավիրելու, բացի այդ Երևանյան խճուղում բողոքի ակցիա են իրականացնելու։ Նա այս միջադեպը մահափորձ է որակել իր նկատմամբ։

Կարապետ Պողոսյանի ներկայացմամբ՝ դեպքը տեղի է ունեցել Երևանյան խճուղու այն կանգառի մոտ, որտեղ տարեց տղամարդկանց ու ընդդիմադիր երիտասարդների միջև միջադեպ էր տեղի ունեցել։ Պողոսյանը մեզ պատմեց, որ վերադառնալիս են եղել մայրաքաղաքից, որտեղ մասնակցում էին ընդդիմության հանրահավաքին։ Ըստ նրա՝ պարեկային ոստիկանության աշխատակիցը կանգնեցրել է իր մեքենան, այնուհետ ասել, որ տեխնիկական խնդիր կա, պետք է սպասել, մինչև լուծվի։ Պողոսյանն ասում է, որ հրաժարվել է սպասել։

«Ես ոստիկանին ասի՝ չեմ սպասելու․ մեքենայիս մեջ ուղևորներ կան, այդ թվում կանայք, պիտի տուն հասցնեմ։ Ասի՝ ես կշարժվեմ, հետևիցս եկեք։ Հասանք այնտեղ, որտեղ մարդկանցից մեկին պիտի իջեցնեմ, կանգնեցինք, իմ հետևից եկող պարեկն էլ կանգնեց, մոտեցավ, սկսեց քացով մեքենայիս խփել, դուռը վնասեց ու ասեց՝ քեզ պիտի բերման ենթարկենք։Ես ասի՝ դու ինձ բերման չես ենթարկի, եթե խնդիր կա, ես մեքենայով կգամ ոստիկանության այն բաժանմունքը կամ բաժինը, որը դու ուզում ես։ Ինքն էլ ձեռքը տարավ զենքին, հանեց թե՝ կրակում եմ»,- պատմեց Կարապետ Պողոսյանը։

Կարապետ Պողոսյանն ասում է՝ իր ուղևորների հետ գնացել են ոստիկանության Կումայրի բաժին հաղորդում տալու, սակայն այստեղ հաղորդում չեն վերցրել, փոխարենն արձանագրություն են կազմել իր կողմից երթևեկության կանոնների խախտման մասին։Պողոսյանը պահանջում է քրգործ հարուցել ոստիկանի նկատմամբ ու հեռացնել համակարգից։

Մենք դիմեցինք ՀՀ ոստիկանության հասարակայնության հետ կապի և լրատվության վարչություն, որտեղից փոխանցեցին, որ Կարապետ Պողոսյանի հրապարակումն ուսումնասիրում են։

Արմիկ Մովսիսյան