15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Թուրքիան հողի վարձակալության շուրջ բանակցություններ է վարում 10 երկրների հետ
Քաղաքականություն
15.06.2022 | 17:13
Թուրքիայի իշխանությունները բանակցություններ են վարում Լատինական Ամերիկայի և Աֆրիկայի 10 երկրներում, ինչպես նաև Ուկրաինայում՝ գյուղատնտեսական հողատարածքների վարձակալության շուրջ։ Korrespondent-ի փոխանցմամբ՝ նման հայտարարություն է արել Թուրքիայի գյուղատնտեսության նախարար Վահիտ Քիրիշչին իշխող «Արդարություն և զարգացում» կուսակցության (AKP) պատգամավորների հետ հանդիպման ժամանակ։
Նրա խոսքով՝ բանակցություններ են տարվում ամբողջ աշխարհում կորոնավիրուսի համաճարակի և Ուկրաինայի դեմ Ռուսաստանի սանձազերծած պատերազմի պատճառով պարենային ճգնաժամը հաղթահարելու համար։ Որոշ երկրների հետ արդեն պայմանավորվածություններ են ձեռք բերվել, մյուսների հետ բանակցությունները շարունակվում են, նշել է նախարարը։
Վարձակալած հողատարածքները կօգտագործվեն գյուղատնտեսական մթերք աճեցնելու համար, որոնք կլիմայական պատճառներով չեն կարող արտադրվել Թուրքիայում կամ որոնց արտադրությունն անբավարար է։ Օրինակ՝ Սուդանում կտնկվեն արևադարձային մրգեր և բանջարեղեն, ինչպիսիք են արքայախնձորը, մանգոն, ավոկադոն, ինչպես նաև արևածաղիկ, եգիպտացորեն, բամբակ, քնջութ, շաքարեղեգ և առվույտ, որոնց արտադրությունը Թուրքիայում քիչ է։
«Թուրքիան բավարարում է գյուղմթերքի ներքին պահանջարկը, բայց եթե մենք խոսում ենք արտահանման մասին, ապա պետք է հողատարածքներ վարձակալել արտերկրում, արտադրանքը պետք է մատակարարվի արտահանման համար»,- ասել է Կիրիշչին։
Տաթև Ֆռանգյան
