09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Զելենսկին հրավիրվել է Մադրիդում կայանալիք ՆԱՏՕ-ի գագաթնաժողովին
Քաղաքականություն
15.06.2022 | 15:03
Ուկրաինայի նախագահ Վլադիմիր Զելենսկին ելույթ կունենա ՆԱՏՕ-ի գագաթնաժողովում, որը տեղի կունենա հունիսի 28-30-ը Մադրիդում։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է Korrespondent-ը։
«Նախագահ Զելենսկին կհրավիրվի Մադրիդի գագաթնաժողովին։ Նա դիմելու է բոլոր առաջնորդներին, երբ մենք միասին հանդիպենք ամսվա վերջին»,- ասել է նա դաշինքի պաշտպանության նախարարների հանդիպումից առաջ։
Ստոլտենբերգը մանրամասնել է, որ ՆԱՏՕ-ի առաջնորդներն «անձնապես կողջունեն Զելենսկիին, բայց եթե դա հնարավոր չլինի, նա կխոսի տեսակոնֆերանսի միջոցով»։
«Մենք անհամբեր սպասում ենք Զելենսկու ելույթին»,- հավելել է նա։
Ստոլտենբերգը նաև հայտնել է, որ ՆԱՏՕ-ի պաշտպանության նախարարները երեկոյան կհայտարարեն Ուկրաինային ռազմական օգնության նոր փաթեթի տրամադրման մասին, որը կներառի ծանր սպառազինություն և հեռահար հրետանի։ Բացի այդ, ՆԱՏՕ-ն ծրագրում է ուկրաինական բանակը հետխորհրդային զինատեսակներից անցկացնել դաշինքի զինատեսակներին։
Տաթև Ֆռանգյան
