09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ֆինլանդիայի վարչապետը մտավախություն ունի, որ Թուրքիայի պատճառով ՆԱՏՕ-ին Հելսինկիի և Ստոկհոլմի անդամակցության հարցը կարող է սառեցվել
Քաղաքականություն
15.06.2022 | 15:43
Ֆինլանդիայի վարչապետ Սաննա Մարինը հայտարարել է, որ ՆԱՏՕ-ին անդամակցության Հելսինկիի և Ստոկհոլմի հայտերը կարող են սառեցվել, եթե Թուրքիայի հետ համաձայնությունը, որը ներկայում արգելափակում է այս երկրների դիմումները, ձեռք չբերվի մինչև այս ամսվա գագաթնաժողովը։ Այս մասին գրում է Agence France-Presse-ը, որին վկայակոչում է Turkish Minute-ը։
Հիշեցնենք, որ Թուրքիան դեմ է ՆԱՏՕ-ին այս երկու երկրների անդամակցությանը։
«Կարծում եմ՝ այս փուլում շատ կարևոր է առաջ գնալ։ Եթե մենք այդ հարցերը չլուծենք Մադրիդից առաջ, վտանգ կա, որ իրավիճակը կսառեցվի։ Մենք չգիտենք՝ որքան ժամանակով, բայց այն կարող է սառեցվել»,- ասել է Սաննա Մարինը՝ նկատի ունենալով հունիսի 28-ին Մադրիդում նախանշված ՆԱՏՕ-ի գագաթնաժողովը։
Նա նշել է, որ լրջորեն են վերաբերվում Թուրքիայի մտահոգություններին և ցանկանում են անդրադառնալ դրանց, և «եթե կան թյուրիմացություններ՝ ուղղել»։
«Իհարկե, մենք բոլոր հարցերին շատ լուրջ ենք վերաբերվում և բանակցություններ ենք վարում, բայց ես կարծում եմ, որ նաև Թուրքիայի պատասխանատվությունն է՝ փորձել լուծումներ գտնել այս փուլում»,- ասել է Մարինը։
Էմմա Չոբանյան
