17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
ԵՄ-ն ակտիվացնում է Իսրայելի հետ էներգետիկ համագործակցությունը. FT
Քաղաքականություն
15.06.2022 | 16:47
Եվրամիությունը ուղիներ է փնտրում ռուսական էներգետիկայից իր կախվածությունը նվազեցնելու համար և ընդլայնում է համագործակցությունն Իսրայելի հետ, գրում է Financial Times-ը։
Եվրահանձնաժողովի նախագահ Ուրսուլա ֆոն դեր Լեյենը երեկ ասել է, որ ԵՄ-ն շարունակում է նախապատրաստվել երկու խոշոր ենթակառուցվածքային նախագծերի իրականացմանը, որոնք ուղղված են Իսրայելի հետ էներգետիկ կապերի ամրապնդմանը։
«Պատերազմի սկսվելուց ի վեր Ռուսաստանը միտումնավոր դադարեցրել է գազի մատակարարումը դեպի Լեհաստան, Բուլղարիա, Ֆինլանդիա, նաև՝ հոլանդական և դանիական ընկերություններին՝ ի պատասխան Ուկրաինային մեր աջակցության», – ասել է ֆոն դեր Լեյենը Իսրայել կատարած այցի ժամանակ:
Ըստ պաշտոնյայի՝ Կրեմլի պահվածքը միայն ամրապնդել է իրենց վճռականությունը՝ ազատվելու ռուսական վառելիքից կախվածությունից։
Սակայն միջերկրածովյան գազային պաշարների զարգացումն ունի իր դժվարությունները։ Իսրայելական Քարիշ գազի հանքավայրը սահմանակից է լիբանանյան Քանա հանքավայրին։
1948 թվականից ի վեր պաշտոնապես պատերազմի մեջ գտնվող երկու հարեւանների ծովային սահմանը դեռ չի հաստատվել։ Լիբանանը և Իսրայելը վիճարկում են 856 քառ․ կմ, կողմերից ամեն մեկն այն իրենն է համարում։ Ծովային սահմանի սահմանազատման շուրջ բանակցությունները պարբերաբար փակուղի են մտնում։ Վերջին փորձն արվել է 2021 թվականի մայիսին։
Տաթև Ֆռանգյան
