16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Արդյոք ներմուծվող ապրանքների գները կնվազե՞ն․ ԿԲ կանխատեսումը․ ՏԵՍԱՆՅՈՒԹ
Տնտեսություն
14.06.2022 | 16:46
«ՀՀ ծառայությունների արտահանման էական աճը և ֆինանսական ներհոսքը նպաստում է նաև արժութային շուկայում դրամի արժևորմանը: Գնահատվում է, որ առաջիկայում վերջինս դրական ազդեցություն կփոխանցի ներքին գնաճային միջավայրի թուլացման ուղղությամբ: Կենտրոնական բանկի խորհուրդը որոշել է անփոփոխ թողնել վերաֆինանսավորման տոկոսադրույքը՝ սահմանելով 9.25%»,- այս մասին այսօր հրավիրված ասուլիսում հայտնեց կենտրոնական բանկի նախագահ Մարտին Գալստյանը:
Անդրադառնալով հարցին՝ արդյոք եթե դրամն արժևորվում է, ապա ներմուծվող ապրանքների գները կնվազեն, Գալստյանը նշեց. «ԿԲ-ն ակնկալում է, որ փոխարժեքի արժևորումը, որը բնականոն գործընթաց է Հայաստանում, պետք է որոշակի ազդեցություն ունենա ներմուծվող ապրանքների գների վրա: Արդյոք դա նշանակում է, որ ներմուծվող ապրանքների գները անպայմանորեն պետք է իջնեն, դա պետք է նայենք, որովհետև գիտենք, որ որոշակի խնդիրներ կան, օրինակ, փոխադրումների հետ կապված, ունենք Լարսի խնդիրը: Այսինքն՝ եթե այդ խնդիրներով հանդերձ արժևորումների կամ միջազգային գների փոփոխության արդյունքում հնարավորություն կա, այո, ներմուծողները պետք է ճշգրտեն իրենց ապրանքների գները՝ նվազման ուղղությամբ»:
Մանրամասները՝ տեսանյութում:
