28.07.2026 | 13:59
Սկանդալ ԱՄՆ-ի և Ֆրանսիայի միջև ՄԱԿ-ի ԱԽ-ում․ ԱՄՆ պատվիրակությունը Ֆրանսիայի ներկայացուցչի ելույթի ժամանակ լքել է դահլիճը
ԵՄ-ն այսօր երեք ռուսական բանկեր կանջատի SWIFT համակարգից
Քաղաքականություն
14.06.2022 | 14:07
ԵՄ-ն հունիսի 14-ից ՌԴ-ի խոշորագույն «Սբերբանկը», ինչպես նար «Ռոսսելխոզբանկը» և «Մոսկովյան վարկային բանկն» անջատելու է միջբանկային SWIFT համակարգից՝ Ռուսաստանի դեմ պատժամիջոցների վեցերորդ փաթեթի շրջանակում, գրում է BBC-ի ռուսական ծառայությունը։
Պատժամիջոցները համաձայնեցվել էին մայիսի վերջին՝ եվրոպացի առաջնորդների երկարատև և ինտենսիվ խորհրդակցություններից հետո։ Մի քանի օր անց սահմանափակումների մեծ մասն ուժի մեջ մտավ։ Բանկերի ներկայացուցիչները, ինչպես նախկինում, հիմա էլ պնդում են, որ SWIFT-ից անջատումը մեծապես չի ազդի իրենց աշխատանքի վրա։
«Սբերբանկում» հայտարարել են, որ աշխատում են սովորական ռեժիմով, իսկ SWIFT-ից անջատումը չի փոխում միջազգային հաշվարկների հետ կապված իրավիճակը։
«Մոսկովյան վարկային բանկում» նշել են, որ Ռուսաստանի ներսում գործարքները կշարունակվեն սովորական ռեժիմով, սակայն արտասահմանում վճարումների դեպքում դրանց կատարման ժամկետները կարող են ավելանալ։ «Ռոսսելխոզբանկում» էլ ընդգծել են, որ ռուսական բանկային համակարգում ստեղծվել են անհրաժեշտ պայմանները՝ անխափան գործունեության համար։
Էմմա Չոբանյան
