16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
10 մլրդ դրամի ստանձնած ներդրումային պարտավորություններ ունենք տարեսկզբից սկսած․ Պետգույքի կառավարման կոմիտեի նախագահ․ ՏԵՍԱՆՅՈՒԹ
Տնտեսություն
14.06.2022 | 13:09
«Պետական գույքի մասնավորեցման ու օտարման բնագավառում քաղաքականության հիմնական նպատակներից մեկը տնտեսական աճի խթանումն է ու բնակչության սոցիալ-տնտեսական խնդիրների լուծումը»,- ԱԺ նիստում այս մասին հայտարարեց Պետական գույքի կառավարման կոմիտեի նախագահ Առնակ Ավետիսյանը։
«Քաղաքացիական պայմանագիր» խմբակցության պատգամավոր Արեն Մկրտչյանը խնդրեց մանրամասներ ներկայացնել Ալավերդիում ադամանդի վերամշակման գործարանի հիմնման հետ կապված ներդրումային ծրագրի վերաբերյալ: Պատգամավորի խոսքով՝ ներդրողի կողմից հայտ կա՝ ձեռք բերել պետական գույք հանդիսացող շենքը։
Առնակ Ավետիսյանը պատասխանեց, որ այդ հարցով արդեն կառավարության որոշման նախագիծ կա, որն առաջիկայում կհաստատվի կառավարության կողմից ու մրցութային եղանակով պետական գույքը կօտարվի։ «Արդյունքում մենք կկարողանանք վերահսկողություն իրականացնել կատարվելիք ներդրումային պարտավորությունների վրա ու ապահովել ծրագրի իրականցումը», – նշեց Պետական գույքի կառավարման կոմիտեի նախագահը:
Նա նաև հավելեց, որ տարեսկզբից սկսած՝ Պետգույքի կառավարման կոմիտեի կողմից հայտարարված մրցույթների արդյունքում շուրջ 10 միլիարդ դրամի ստանձնած ներդրումային պարտավորություններ կան տարբեր տնտեսվարողների կողմից։
