29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Պետական աջակցության նոր ծրագիր՝ բնակարանների վերանորոգման համար․ ՏԵՍԱՆՅՈՒԹ
Հասարակություն
14.06.2022 | 11:39
ՀՀ կառավարության աջակցությամբ իրականացվող պետական ծրագրի շրջանակում Հայաստանի քաղաքացիների համար հասանելի կլինեն ամբողջական կամ մասնակի փոխհատուցվող վարկային առաջարկները՝ ուղղված բնակարանների, անհատական տների էներգաարդյունավետ վերանորոգմանը: Ընթացակարգային գործընթացները մոտենում են ավարտման փուլին, և մոտ օրերս քաղաքացիները հնարավորություն կունենան արդեն դիմելու և մատչելի վարկեր ստանալու:
«Բնակարանների և բնակելի տների էներգաարդյունավետ վերանորոգման աշխատանքների պետական աջակցության ծրագիրը» թեմայով ասուլիսում Կենտրոնական բանկի նախագծերի ղեկավար Դավիթ Կիրակոսյանի խոսքով՝ պայմանագրի օրինական ձևն արդեն ներկայացվել է բանկերին և վարկային կազմակերպություններին, ընթանում են կազմակերպչական աշխատանքներ:
«Առաջիկայում կհրապարակվի այն կազմակերպությունների ցանկը, որոնք մասնակցելու են այս ծրագրին և մեր քաղաքացիների կարող են դիմել և վարկ ստանալ»,- նշեց Կիրակոսյանը:
Կենտրոնական բանկի նախագծերի ղեկավարի խոսքով, ծրագրից օգտվելու համար նախատեսված է բանկից վարկ վերցնելու դասական գործընթաց: Ոչ մի արտոնություն չի սահմանվում, պարզապես վարկը ձևակերպելուց հետո պետությունը մասնակի կամ ամբողջությամբ սուբսիդավորելու է վարկի տոկոսադրույքը:
Մանրամասները՝ տեսանյութում:
