04.04.2026 | 11:38
ՀՀԿ 18-րդ Համագումար․ ՈւՂԻՂ
Տաջիկստանի և Ղրղզստանի սահմանին փոխհրաձգություն է տեղի ունեցել
Քաղաքականություն
14.06.2022 | 13:39
Տաջիկստանի ու Ղրղզստանի սահմանին փոխհրաձգություն է տեղի ունեցել, տաջիկ սահմանապահ է զոհվել։ Այս մասին hաղորդում է ՏԱՍՍ-ը՝ վկայակոչելով Asia-Plus լրատվական գործակալությունը։
Աղբյուրի տվյալներով՝ այսօր առավոտյան տեղական ժամանակով 06։00-ին Կեխի շրջանում տեղի է ունեցել փոխհրաձգություն տաջիկ և ղրղզ սահմանապահների միջև։ Տարածքի բնակիչները պնդում են, որ կա մեկ զոհ, սակայն այս տեղեկությունը պաշտոնապես դեռևս չի հաստատվել։
Նշվում է, որ կրակը, այդ թվում՝ ականանետերից, բացել է ղրղզական կողմը։ Հաղորդվում է նաև, որ Ղրղզստանի Բատկենի և Տաջիկստանի Սողդիի շրջանի սահմանային ներկայացուցիչներն արդեն հեռախոսազրույցներ են ունեցել, դեպքի վայր են մեկնել սահմանապահների ղեկավարները։
Էմմա Չոբանյան
