18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԱՄՆ-ն մտադիր է առաջիկա ամիսներին Ուկրաինային ամսական 1,5 մլրդ դոլար հատկացնել
Քաղաքականություն
14.06.2022 | 12:16
ԱՄՆ-ի իշխանությունները մտադիր են ամսական 1,5 մլրդ դոլար տրամադրել Ուկրաինայի կառավարությանը։ Այս մասին հայտարարել է ԱՄՆ պետքարտուղարի Եվրոպայի ու Եվրասիայի հարցերով օգնականի առաջին տեղակալ Դերեք Հոգանը, գրում է «Ինտերֆաքս»-ը։
«Մենք արդեն 1 մլրդ դոլար ենք հատկացրել այդ նպատակի համար տարբեր մեխանիզմներով, մենք մտադիր ենք 4-5 ամսում ուղարկել ևս մոտ 1,5 մլրդ ամսական ,-ասել է նա Վաշինգտոնի Վուդրո Վիլսոնի գիտահետազոտական կենտրոնում սեմինարի ժամանակ։
Նա նշել է, որ Ուկրաինայի իշխանությունների ուղիղ աջակցությունը Ջո Բայդենի վարչակազմի առաջնահերթություններից մեկն է։ Պաշտոնյան ասել է, որ ԱՄՆ-ը պետք է հաշվի առնի «միջնաժամկետ և երկարաժամկետ հեռանկարները», իսկ այժմ ջանքերը պետք է ուղղված լինեն Ուկրաինայի կառավարության աշխատանքի ապահովմանը։
Էմմա Չոբանյան
