Քաղաքականություն
13.06.2022 | 20:51
ՄԱԿ-ի Գլխավոր ասամբլեայի 76-րդ նստաշրջանի նախագահ Աբդուլլահ Շահիդը Ադրբեջանի արտգործնախարար Ջեյհուն Բայրամովի հետ քննարկել է Բաքվի և Երևանի միջև հարաբերությունների կարգավորման հարցերը։ «Արմենպրես»-ի հաղորդմամբ՝ այս մասին տեղեկացնում է ՏԱՍՍ գործակալությունը:
Ադրբեջանի արտաքին գործերի նախարարը տեղեկացրել է տարածաշրջանում առկա իրավիճակն ու զարգացումները, այդ թվում, Հայաստանի հետ հարաբերությունները կարգավորելուն ուղղված քայլերը:
Իր հերթին Շահիդը աջակցություն է հայտնել տարածաշրջանում կայուն խաղաղություն հաստատելու ջանքերին։
