09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պոդոլյակը նշել է, թե Ուկրաինային որքան ծանր սպառազինություն է պետք՝ ՌԴ-ին Ուկրաինայից դուրս մղելու համար
Քաղաքականություն
13.06.2022 | 14:12
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը թվիթերյան իր էջում գրել է, թե ռուսական ներխուժման ավարտի համար ինչ ծանր զինատեսակներ են անհրաժեշտ Ուկրաինայի զինված ուժերին։
«Ես կլինեմ ուղիղ։ Պատերազմը դադարեցնելու և Ռուսաստանին Ուկրաինայից դուրս մղելու համար մեզ պետք է ծանր սպառազինության հավասարություն»,- գրել է նա՝ թվարկելով, թե ինչ է դա ենթադրում։
Մասնավորապես, ըստ պաշտոնյայի, անհրաժեշտ են 1000 155 մմ-անոց հաուբիցներ, 300 համազարկային կրակի ռեակտիվ համակարգ, 500 տանկ, 2000 միավոր զրահատեխնիկա, 1000 անօդաչու թռչող սարք։
Պոդոլյակի խոսքով՝ Ուկրաինան մեծ հույսեր է կապում պաշտպանության նախարարների կոնտակտային խմբի որոշման հետ, որի նիստը տեղի է ունենալու հունիսի 15-ին Բրյուսելում։
Էմմա Չոբանյան
