19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ստոլտենբեգը հայտարարել է, թե Թուրքիայի անվտանգային մտահոգություններն օրինական են
Քաղաքականություն
13.06.2022 | 13:25
ՆԱՏՕ-ի գլխավոր քարտուղար Յենս Ստոլտենբերգը նախօրեին Ֆինլանդիա կատարած այցի ժամանակ հայտարարել է, որ Թուրքիայի կողմից բարձրացված անվտանգության մտահոգությունները՝ կապված ՆԱՏՕ-ին Ֆինլանդիայի և Շվեդիայի անդամակցության հայտերի հետ, օրինական են, գրում է USNews-ը։
«Դրանք օրինական մտահոգություններ են։ Դրանք ահաբեկչության, զենքի արտահանման մասին են»,- ասել է Ստոլտենբերգը Ֆինլանդիայի նախագահ Սաուլի Նիինիստոյի հետ համատեղ ասուլիսում։
Հիշեցնենք, որ նախորդ ամիս Շվեդիան և Ֆինլանդիան դիմումներ են ներկայացել ՆԱՏՕ-ին անդամակցելու համար, որին, սակայն, դեմ է Թուրքիան։ Անկարան այս երկրներին մեղադրում է քուրդ «ահաբեկիչներին» սատարելու մեջ։
Ստոլտենբերգն ասել է, որ Թուրքիան դաշինքի առանցքային դաշնակիցն է՝ շնորհիվ իր ռազմավարական դիրքի՝ Սև ծովում Եվրոպայի և Մերձավոր Արևելքի միջև, և նշել, որ Անկարան աջակցություն է ցուցաբերել Ուկրաինային այն պահից, երբ Ռուսաստանը փետրվարի 24-ին զորքեր է մտցրել իր հարևան երկիր:
«Մենք պետք է հիշենք ու հասկանանք, որ ՆԱՏՕ-ի որևէ դաշնակից այնքան չի տառապել ահաբեկչական հարձակումներից, որքան Թուրքիան»,- ասել է ՆԱՏՕ-ի գլխավոր քարտուղարը։
Ստոլտենբերգն ու Նիինիստոն ասել են, որ Թուրքիայի հետ բանակցությունները շարունակվում են, սակայն չեն հաղորդել դրանցում առաջընթացի մասին։
Էմմա Չոբանյան
