03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Մարիուպոլում մինչև տարեվերջ վարակիչ հիվանդությունները կարող են 10 հազար մարդու կյանք խլել
Քաղաքականություն
10.06.2022 | 20:16
Մարիուպոլի քաղաքապետ Վադիմ Բոյչենկոն հայտնել է, որ մինչև տարեվերջ քաղաքում 10 հազար բնակիչ կարող է մահանալ խոլերայից, դիզենտերիայից և այլ վարակիչ հիվանդություններից, գրում է meta.ua-ն։
Քաղաքապետի խոսքով՝ Մարիուպոլում օրեցօր ավելի է վատթարանում համաճարակային իրավիճակը։ Զանգվածային գերեզմաններն ամբողջ քաղաքում, անձրևներն ու օդի ջերմաստիճանի բարձրացումը հանգեցնում են վարակիչ հիվանդություններով վարակվածների թվի աճի։
«Այս մասին այսօր խոսում են մեր բժիշկները, և դա հաստատում է բրիտանական հետախուզությունը։ Դրա համար պետք է միավորվեն Կարմիր խաչի և ՄԱԿ-ի առաքելությունները՝ ստեղծելու կայուն կանաչ միջանցքներ, որպեսզի մեկնարկի մարդկանց զանգվածային տարհանումը քաղաքից, քանի դեռ շատ ուշ չէ»,- ասել է Բոյչենկոն։
Հիշեցնենք, որ Բրիտանիայի հետախուզությունն այսօր հայտնել էր, որ Մարիուպոլը գտնվում է խոլերայի համաճարակի շեմին։
Էմմա Չոբանյան
