09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կանադան 328 մլն դոլարի ռուսական ակտիվներ է արգելափակել
Քաղաքականություն
10.06.2022 | 18:50
Կանադան արդեն 412․1 մլն կանադական դոլարի չափով (328 մլն ԱՄՆ դոլար) ռուսական ակտիվներ է արգելափակել։ Այդ միջոցները եղել են ռուսական հաշիվներում կամ հայտնվել են պատժամիջոցների ենթարկված անձանց հետ կապված գործարքներում, ասվում է Կանադայի դաշնային ոստիկանության կայքում հրապարակված հաղորդագրությունում, գրում է DW-ի ռուսական ծառայությունը։
«Փետրվարի 24-ից հունիսի 7-ը Կանադայում ակտիվները՝ շուրջ 123,031,866.85 կանադական դոլարին համարժեք գումարով, սառեցվել են, իսկ 289,090,090.74 դոլարին համարժեք գործարքները՝ արգելափակվել»,- ասվում է հաղորդագրության մեջ:
Փաստաթղթում նշվում է, որ այս թվերի վերաբերյալ ավելի մանրամասն տեղեկատվություն դեռևս չի կարող տրամադրվել՝ Անձնական տվյալների պաշտպանության մասին օրենքի պատճառով, սակայն տեղեկատվությունը պարբերաբար կթարմացվի։
Հունիսի 8-ին Կանադան հայտարարեց ռուսական նավթագազային հատվածի դեմ պատժամիջոցների նոր փաթեթի մասին։ Ընդհանուր առմամբ, Ուկրաինա ռուսական ներխուժման ֆոնին Կանադան արդեն պատժիչ միջոցներ է կիրառել Ռուսաստանից, Ուկրաինայից և Բելառուսից 1070 ֆիզիկական և իրավաբանական անձանց նկատմամբ, այդ թվում՝ Ռուսաստանի նախագահ Վլադիմիր Պուտինի ենթադրյալ ընկերուհու՝ մարմնամարզության նախկին օլիմպիական չեմպիոն Ալինա Կաբաևայի նկատմամբ։
