09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Արայիկ Հարությունյանն ընդունել է ՌԴ նախագահի հատուկ ներկայացուցիչ Միխայիլ Շվիդկոյին
Քաղաքականություն
10.06.2022 | 18:15
Վարչապետի աշխատակազմի ղեկավար Արայիկ Հարությունյանն ընդունել է Ռուսաստանի Դաշնության նախագահի` միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյին․ տեղեկացնում են ՀՀ կառավարությունից։
Հանդիպման ընթացքում զրուցակիցները քննարկել են հումանիտար ոլորտներում երկկողմ համագործակցությանը և հեռանկարային ուղղություններին վերաբերող հարցեր:
Անդրադարձ է կատարվել «Հայաստանի մշակույթի օրեր Ռուսաստանում» և «Ռուսաստանի հոգևոր մշակույթի օրեր Հայաստանում» ծրագրերին: «Հայաստանի մշակույթի օրեր Ռուսաստանում» միջոցառումը տեղի կունենա 2022 թ. հունիսի 10-11-ը Մոսկվայում, իսկ հունիսի 13-ին՝ Կիսլովոդսկում: «Ռուսաստանի հոգևոր մշակույթի օրեր Հայաստանում» միջոցառումը նախատեսվում է 2022 թ. աշնանը:
Զրուցակիցները կարևորել են վերը նշված միջոցառումների անցկացումն ու ընդգծել, որ դրանք կնպաստեն հայ և ռուս ժողովուրդների դարավոր բարեկամության ամրապնդմանը:
