Քաղաքականություն
10.06.2022 | 16:59
Շվեյցարիան աջակցում է Ռուսաստանի և Բելառուսի դեմ պատժամիջոցների վեցերորդ փաթեթի վերաբերյալ Եվրամիության որոշմանը, ներառյալъ նավթի էմբարգոն։ Նման որոշում է ընդունել Շվեյցարիայի կառավարությունը՝ Դաշնային խորհուրդը, գրում է ՏԱՍՍ-ը։
«Դաշնային խորհուրդը որոշում է ընդունել այդ միջոցները կիրառելու մասին և հանձնարարել Էկոնոմիկայի դաշնային դեպարտամենտին հարմարեցնել հրամանագիրը՝ կապված Ուկրաինայում իրավիճակի հետ կապված քայլերի հետ»,- ասվում է կառավարության տարածած հաղորդագրության մեջ։
Նշվում է, որ Ֆինանսների դեպարտամենտը Շվեյցարիայի պատժամիջոցների ցուցակում ներառել է ՌԴ-ից և Բելառուսից ավելի քան 100 ֆիզիկական անձանց ու կազմակերպությունների, և այն լիովին համապատասխանում է ԵՄ ցուցակին։
Նշենք, որ հունիսի 3-ին ԵՄ խորհուրդն ընդունել է ՌԴ-ի դեմ պատժամիջոցների հաջորդ՝ վեցերորդ փաթեթը, ներառյալ՝ նավթի և նավթամթերքի ծովային մատակարարումների էմբարգոն:
Էմմա Չոբանյան
