15.01.2025 | 13:17
Վաշինգտոնը Թրամփի երդմնակալությունից առաջ ուժեղացրել է անվտանգության միջոցառումները
Մարիուպոլը խոլերայի համաճարակի շեմին է․ Մեծ Բրիտանիայի հետախուզություն
Քաղաքականություն
10.06.2022 | 12:59
Մեծ Բրիտանիայի ՊՆ-ն ներկայացրել է Ուկրաինայում ռազմական գործողությունների վերաբերալ հետախուզական թարմացված տվյալները։ Դրանց համաձայն՝ Սևերոդոնեցկի համար ծանր մարտերը շարունակվում են, ռուսական զորքերը վերահսկում են քաղաքի մեծ մասը, սակայն ավելի մեծ տարածքներ շրջափակելու փորձերը ձախողվում են, գրում է BBC-ի ռուսական ծառայությունը։
Նշվում է, որ Ռուսաստանը չի կարողանում գլուխ հանել օկուպացված տարածքներում բնակչությանը տարրական ծառայությունների մատուցումից․ շատերը խմելու ջրի մշտական հասանելիություն չունեն, հեռախոսային և ինտերնետային կապի լուրջ խափանումները շարունակվում են։ Խերսոնում դեղորայքի խիստ պակաս կա, իսկ Մարիուպոլը խոլերայի համաճարակի շեմին է․ մայիսին այնտեղ գրանցվել են հիվանդության առանձին դեպքեր։
Վերջին անգամ Ուկրաինան խոլերայի համաճարակ է վերապրել 1995 թվականին, և այդ ժամանակից ի վեր առանձին օջախներ են բռնկվել երկրի տարբեր մասերում, հատկապես՝ Ազովի ծովի ափին:
Նշվում է, որ բժշկական ծառայությունները Մարիուպոլում բոլոր հնարավորությունները սպառել են և համավարակը չեն կարողանա հաղթահարել։
Էմմա Չոբանյան
