18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բեռլինը, Լոնդոնը և Փարիզը Իրանին կոչ են անում «դադարեցնել միջուկային էսկալացիան»
Քաղաքականություն
10.06.2022 | 12:50
Գերմանիան, Մեծ Բրիտանիան ու Ֆրանսիան համատեղ հայտարարություն են տարածել, որով կոչ են անում Իրանին վերսկսել լիարժեք համագործակցությունը ՄԱԳԱՏԷ-ի հետ և իրականացնել մոնիտորինգի և ստուգման բոլոր միջոցառումները՝ կապված միջուկային ծրագրի հետ, գրում է DW-ի ռուսական ծառայությունը։
Փաստաթղթում նշվում է, որ 2022թ-ի մարտից բանակցությունների սեղանին կենսունակ համաձայնագիր է դրված, որը Իրանին կվերարձներ իր պարտավորությունների կատարմանը Գործողությունների համապարփակ համատեղ ծրագրի շրջանակում։
«Մենք ցավում ենք, որ Իրանը չի օգտվել այս գործարքը կնքելու դիվանագիտական հնարավորությունից: Մենք կոչ ենք անում դա անել հիմա: Մենք պատրաստ ենք գործարքը կնքել։ Մենք կոչ ենք անում Իրանի վերասկսել հավելյալ արձանագրության կիրառումը և բոլոր ստուգման ու մոնիթորինգի միջոցները, դադարեցնել միջուկային էսլակացիան և շտապ ընդունել բանակցությունների սեղանին դրված գործարքը՝ վերականգնելու ՀԳՀԾ-ն, քանի դեռ դա հնարավոր է»,- նշված է եվրոպական երեք երկների՝ Թեհրանին ուղղված հորդորում։
Նշենք, որ ՀԳՀԾ-ն 2015 թ-ին ստորագրել են Իրանը, ԱՄՆ-ն, ՌԴ-ն, Չինաստանը, Գերմանիան, Ֆրանսիան ու Մեծ Բրիտանիան։ Այն նախատեսում է Թեհրանի կողմից մի շարք քայլերի իրականացում միջուկային ծրագրի սահմանափակման ուղղությամբ ԱՄՆ-ի ու ԵՄ կողմից պատժամիջոցների չեղարկման դիմաց։
Էմմա Չոբանյան
