Քաղաքականություն
09.06.2022 | 20:57«Արարատ Միրզոյանն այսօր հայտարարեց, թե Հայաստանում չկա քաղաքական ճգնաժամ, քանի որ նախորդ տարի տեղի են ունեցել ընտրություններ և այդ ընտրություններից հետո ճգնաժամը հաղթահարվել է: Սա իրենց հիմնական թեզն է, որով փորձում են համոզել միջազգային հանրությանը և մեր ժողովրդին, որ նախորդ տարի ընտրությունների արդյունքում, չնայած իրենց դավաճանությանը, երկիրը պատերազմի մեջ քաշելուն ու խայտառակ պարտության տանելուն, միևնույնն է՝ իրենք լեգիտիմ են և ընտրություններից հետո ճգնաժամը հաղթահարված է»,- «Դիմադրության» շարժման հանրահավաքի ժամանակ հայտարարեց ԱԺ ընդդիմադիր փոխնախագահ Իշխան Սաղաթելյանը:
Նրա դիտարկմամբ՝ նախընտրական քարոզարշավի ժամանակ ՔՊ-ն խոստումներ է տվել, սակայն ընտրվելուց հետո խաբել է ժողովրդին և արել հակառակը:
«ՔՊ-ն իր նախընտրական ծրագրում ժողովրդին խոստացել էր՝ Արցախի ինքնորոշման իրավունք, խոսել են դեօկուպացիայի մասին, բայց դրանից հետո կեղծիքով վերարատարդվել են և ընտրություններից հետո հայտարարել են՝ իջեցնում են Արցախի նշաձողը:
Եթե Արարատ Միրզոյանը Նիկոլ Փաշինյանը, ՔՊ-ն նախընտրական քարոզարշավի ժամանակ ասած լինեին, որ իրենց իշխանության գալու դեպքում ունենալու ենք տարածքային նոր կորուստներ, հայրենազրկում, և դրանից հետո ստանային մեր ժողովրդի քվեն, այսօր կարող էին ասել, որ լեգիտիմ են և ժողովրդի անունից մանդատ ունեն, բայց քանի որ դա ասել են միայն վերընտրվելուց հետո, ուրեմն այլևս կապ չունեն մեր ժողովրդի հետ և լեգիտիմ չեն»,- նշեց Սաղաթելյանը:
Մանրամասները՝ տեսանյութում:
