15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Այս իշխանությունները հերթական զիջմանն են գնալու. Արամ Վարդևանյան․ ՏԵՍԱՆՅՈւԹ
Քաղաքականություն
09.06.2022 | 20:49
«Մենք այսօր հերթական անգամ Հայաստան եկած բարձրաստիճան հյուրի մոտ ֆիքսել ենք, որ Հայաստանի գործող իշխանությունները լեգիտիմ չեն և չեն ներկայացնում ժողովրդին: Սա նշանակում է, որ ինչ խոստում էլ տան, ինչ թուղթ էլ ստորագրեն, դա առ ոչինչ է և իրավաբանական ուժ չունի»,- այս մասին «Դիմադրության» շարժման հանրահավաքի ժամանակ հայտարարեց «Հայաստան» խմբակցության պատգամավոր Արամ Վարդևանյանը:
Պատգամավորի դիտարկմամբ՝ ընդդիմությունը միջազգային հանրության մոտ ֆիքսել է, որ Հայաստանում առկա է քաղաքական ճգնաժամ:
«Երբ ամիսներ առաջ ասում էինք, որ այս իշխանությունները հերթական զիջմանն են գնալու և որ հայ-թուրքական հարաբերությունների կարգավորում առանց նախապայմանների չի լինելու, իշխանություններն ասում էին, թե չկա նման բան, նախապայմաններ չեն լինելու: Ամենայն պատասխանատվությամբ հայտարարում եմ՝ եթե փորձագետները կարողացել էին ֆիքսել, որ իրականում նախապայմաններ կան, օրվա իշխանություններն էլ գիտեին դրա մասին: Եվ այսօր արդեն իրենք ընդունում են դա, այսինքն՝ հերթական սուտը բացահայտվեց»,- նշեց Վարդևանյանը:
Մանրամասները՝ տեսանյութում։
